ލ. އިސްދޫގައި ފެނުގެ ނިޒާމު ނިންމާލައިފި އެވެ.
މިއީ އިންޑިޔާގެ އެގްޒިމް ބޭންކުގެ އެހީގައި 2023 ގައި ފެށި މަޝްރޫއެކެވެ. އިސްދޫ ފެނުގެ ނިޒާމު ގާއިމު ކުރުމުގެ މަސައްކަތް ކުރިއަށް ގެންގޮސްފައި ވަނީ އެސްއެމްސީ އިންފްރާސްޓްރަކްޗަސް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކުންނެވެ.
އެ ކުންފުނިން އިސްދޫ ނަރުދަމާ ނިޒާމުގާއިމްކުރުމުގެ މަސައްކަތް ވެސް ކޮށްފައިވެ އެވެ.
ކޮންސްޓްރަކްޝަން މިނިސްޓްރީން ބުނީ އިސްދޫ ފެނުގެ ނިޒާމް ގާއިމު ކުރުމުގެ މަސައްކަތުގެ ދަށުން 55 ޓަނުގެ ދެ އާރްއޯ ޕްލާންޓާއި 60 ޓަނުގެ ވާރޭ ފެން ޕްލާންޓަކާއި 400 ޓަނުގެ ވާރޭ ފެން ރައްކާކުރާ ޓޭންކަކާއި 415 ޓަނުގެ ބޯފެން ރައްކާކުރެވޭ ދެ ޓޭންކު ބަހައްޓާފައިވާ ކަމަށެވެ. އަދި މި މަޝްރޫޢުގެ ދަށުން 25 ކިލޯވޮޓުގެ ސޯލާ ޕެނަލް ވެސް ގާއިމުކޮށްފައިވާ ކަމަށް މިނިސްޓްރީން ބުންޏެވެ.
ލ. އިސްދޫ ފެނުގެ މަޝްރޫޢުގެ އަދާހަމަ:
މަސައްކަތްތައް ނިންމުމަށްފަހު އޮޕަރޭޓަރާ ޙަވާލުކުރެވި ޑިފެކްޓްސް ލައަބިލިޓީ ޕީރިއަޑްގެ ދަށުން ދަނީ ޚިދުމަތް ފޯރުކޮށްދެމުންމި މަޝްރޫޢުގެ ދަށުން މުޅިއެކު 245 ގެދޮރުގައި ވަނީ ފެނުގެ ޚިދުމަތް ޤާއިމުކުރެވިފައި
އަދި މި މަޝްރޫޢު ކުރިއަށް… pic.twitter.com/NEcM7Ul4MY
— Ministry of Construction, Housing & Infrastructure (@MoCImv) February 9, 2025
މިނިސްޓްރީން ބުނީ އިސްދޫ ފެނުގެ ނިޒާމް ގާއިމު ކުރުމުގެ މަސައްކަތް ނިންމައި، އޮޕަރޭޓަރާ ޙަވާލުކުރެވިފައިވާ ކަމަށެވެ. އަދި 245 ގޭބީސީއެއްގައި ފެނުގެ ޚިދުމަތް ޤާއިމްކޮށްފައިވާ އިރު، ޑިފެކްޓްސް ލައަބިލިޓީ ޕީރިއަޑްގެ ދަށުން މިހާރު ޚިދުމަތް ފޯރުކޮށް ދެމުން އަންނަ ކަމަށް ވެސް މިނިސްޓްޓްރީން ބުންޏެވެ.