އެމްޑީޕީގެ ސަރުކާރުގައި ފެށި ހިލޭ ޑިގްރީ އަށް ކިޔެވުމުގެ ފުރުސަތު ފަހިކޮށް ދޭން ފެށި ޕްރޮގްރާމަކީ ސީދާ އެ ޕާޓީގެ ކުރީގެ ރައީސް މުހައްމަދު ނަޝީދުގެ ވައުދެއް ކަމަށް ދަ ޑިމޮކްރެޓްސްގެ ނައިބު ރައީސް މުހައްމަދު ވަހީދު (ވައްޑެ) ވިދާޅުވެއްޖެ އެވެ.
ހިލޭ ޑިގްރީ ޕްރޮގްރާމަކީ ވެރިކަމުގައި ހާސިލު ކުރެއްވުނު ވަރަށް ފަހުރުވެރި ކާމިޔާބީއެއް ކަމަށް އެ ޕްރޮގްރާމް ފެއްޓެވި އިރު، ވެރިކަމުގައި ހުންނެވި އިބްރާހީމް މުުހައްމަދު ސޯލިހު (އިބޫ) ސޯޝަލް މީޑިއާ ޕޯސްޓެއްގައި އިއްޔެ ވިދާޅުވި އެވެ. އެ ޕްރޮގްރާމް ފެށިތާ އިއްޔެ އަށް ހަ އަހަރު ފުރުމާ ދިމާކޮށް އެ މަނިކުފާނު ވިދާޅުވީ ހިލޭ ޑިގްރީ ސްކީމްގެ ސަބަބުން ދަރިވަރުންނަށް ހިލޭ މަތީ ތަޢުލީމު ހާސިލުކުރުމުގެ ފުރުޞަތު ހުޅުވިގެން ދިޔަ ކަމަށާއި އެއީ އެމަނިކުފާނުގެ ވެރިކަމުގެ ދައުރުގައި ހާސިލުކުރެވުުނު އެންމެ ފަހުރުވެރި އެއް ކާމިޔާބީ ކަމަށެވެ.
On this day, 6 years ago, we launched our Free Degree Scheme opening up the avenue for students to pursue higher studies for free – one of my proudest achievements as President.
When we left office, more than 18,000 young Maldivians were enrolled for degrees and 8,500 young…
— Ibrahim Mohamed Solih (@ibusolih) February 14, 2025
ވެރިކަމުގެ ފަސް އަހަރުގެ ދައުރު ނިންމަވާލެއްވި އިރު 18،000 އަށް ވުރެ ގިނަ ދިވެހި ޒުވާނުން ޑިގްރީ ކޯސްތަކުގައި ބައިވެރިވެފައިވާ ކަމަށާއި އަދި 8،500 ދިވެހި ޒުވާނުން އެ ޕްރޮގްރާމްގެ ދަށުން ފުރަތަމަ ޑިގްރީ ފުރިހަމަކޮށްފައިވާ ކަމަށް ވެސް އިބޫ ވިދާޅުވި އެވެ.
އެ މަނިިކުފާނު ވިދާޅުވީ ތަޢުލީމަކީ އެންމެންނަށް ހަމަހަމަކަން ގެނެސްދޭ އަދި ޒުވާނުންނަށް ދިރިއުޅުމުގައި ކުރިއަށް ދިއުމަށާއި ޤައުމު ބިނާކުރުމަށް ފުރުޞަތުތައް ހުޅުވައިދޭ އެއްޗެއް ކަމަށްވާ އިރު ހިލޭ ޑިގްރީ ޕްރޮގްރާމްގެ ކާމިޔާބީ އަކީ އެމުގެ ހެއްކެއް ކަމަށް ވެސް ވިދާޅުވި އެވެ.
Seedhaa Raees @MohamedNasheed ge vaudheh.
“Kurin hileybeysfaruvaa mifaharu free degree jahanvaaney, mihaaru evarah tax vadheyey vidhaalhuvee seedhaa RN. Liyan thibee alhugandu men. https://t.co/ahVO2Vudxx pic.twitter.com/cH4S63lWB8
— Waddey (@waddey_) February 14, 2025
އިބޫގެ މި ވާހަކަތަކަށް ދެއްވި ރައްދެއްފައި ވައްޑެ ވިދާޅުވީ އެއީ ސީދާ ނަޝީދުގެ ވައުދެއް ކަމަށެވެ.