ބޮލީވުޑްގެ ތަރި، ސަލްމާން ޚާން މިހާރު ސައުދީ އަރަބިއްޔާގައި ޝޫޓްކުރަމުން އަންނަ ހޮލީވުޑްގެ ފިލްމަކީ ސްޕެއިންގެ ޑައިރެކްޓަރު ރޮޑްރިގޯ ގްރޭރޯ ގެނެސްދިން ސްޕެއިންގެ ފިލްމު "ސެވަން ޑޯގްސް" ގެ ހޮލީވުޑް ރިމޭކް ކަމަށް ރިޕޯޓްތައް ބުނެފި އެވެ.
މި ބޮޑު ބަޖެޓް ތުރިލާގެ ޝޫޓިން މިހާރު ކުރިއަށް ދަނީ ސައުދީގެ ރިޔާދުގައި ގާއިއުމުކޮށްފައިވާ އަލް އުލާ ސްޓޫޑިއޯގައި ކަމަށް މީޑިއާތަކުން ބުނެ އެވެ. އެގޮތުން ސަލްމާންގެ ހާއްސަ ފެނިލުންތަކެއް ހިމެނޭ ފިލްމަށް އޭނަ ޝޫޓްކުރާ މަންޒަރުތައް ނަގަނީ މުމްބާއީގެ ދަރާވީ ގޮތަށް ތައްޔާރުކޮށްފައިވާ ސެޓެއްގައި ކަމަށް ވެސް މީޑިއާތަކުން ބުންޏެވެ.
މީގެ ޝޫޓިންގެ ތެރެއިން ނަގާފައިވާ ވީޑިއޯއެއް ވެސް ސޯޝަލް މީޑިއާގައި މިއަދު ދައުރުވެފައިވެ އެވެ.
Latest: Megastar #SalmanKhan spotted in Saudi Arabia, filming his cameo in a big-budget Hollywood thriller 🥵🔥🔥🔥🔥
— SALMAN KI SENA™ (@Salman_ki_sena) February 18, 2025
ރިޕޯޓްތައް ބުނާ ގޮތުން މި ފިލްމުގެ ހާއްސަަ ފެނިލުމެއްގައި ސަންޖޭ ދަތު ވެސް ހިމެނެ އެވެ.
ނަމަވެސް މިއާ ބެހޭ އެއްވެސް މައުލޫމާތެއް ރަސްމީކޮށް އަދި ނު؛ލިބޭ ކަމަށް މީޑިއާތަކުން ބުނެ އެވެ. އެހެންވެ ފިލްމުގެ ކާސްޓުންނަކީ ކޮބައި ކަމެއް ވެސް ނޭނގެ އެވެ.
މި ފިލްމު ވާނީ ސަލްމާނާއި ސަންޖޭ ވެސް ހޮލީވުޑްގެ ފިލްމެއްގައި ހިއްސާވާ ފުރަތަމަ ފަހަރަށެވެ.
"ސެވަން ޑޯގްސް" އަކީ 2021 ގައި ގެނެސްދިން ފިލްމެކެވެ. މީގެ މައިގަނޑު ޕްލޮޓް އެނބުރެނީ ހަތް ކުއްތާއާ އެކީ އެކަނި ދިރިއުޅޭ ފިރިހެނެއްގެ ވަަށައިގެންނެވެ. މީގެ ސަބަބުން އޭނަގެ އަވައްޓެރިންގެ ފަރާތުން ކުރިމަތިވާ ޝަކުވާތަކާ ގުޅިގެން ހިނގާ ޝައުގުވެރި ހާދިސާތަކެއް ފިލްމުން ފެނިގެންދެ އެވެ.