މިއަދު ހަވީރު ފަށާ މިނިވަން50 ޗެމްޕިއަންޝިޕްގައި ވާދަކުރާ މީދޫ ޓީމް އާއި ޖާޒީ ހަވާލުކޮށްފިއެވެ.
މީދޫ ސްޓޭޑިއަމްގައި ބޭއްވި ރަސްމިއްޔާތުގައި ޓީމްގެ ޖާޒީ ކުޅުންތެރިންނާއި ހަވާލުކޮށްދިނީ ރަށުގެ އެކި ހިދްމަތްތެރީންނެވެ.
މީދޫ ޓީމްގެ ޖާޒީ ސްޕޮންސާކޮށްފައިވަނީ ސެޓްލިންކުންނެވެ. މި ހަފްލާގައި ޓީމްގެ ކެޕްޓަންއާއި ވައިސް ކެޕްޓަން އާއި ކެޕްޓަން ބޭންޑް ހަވާލުކުރުން އޮތެވެ.
މީދޫ ޓީމްގެ ކެޕްޓަނަކީ، މީދޫގައި މިހާތަނަށް އުފެދުނު އެންމެ މޮޅު ކުޅުންތެރިއާ އަޝްރަފް (އައްޝޭ)އެވެ. އައްޝޭ އަކީ، ހުރިއްޔާ ސްޕޯޓްސް ކްލަބާއި، ނިއުއަށް ކުޅެފައިވާ ހުނަރުވެރި މޮޅު ކުޅުންތެރިއެކެވެ.
ވައިސް ކެޕްޓަންގެ ބޭންޑް ހަވާލުކޮށްފައިވަނީ ކުޅިވަރު ދަނޑުގައި މީދޫގެ ޒުވާނުންނަށް ހުނަރާއި، ޑިސިޕްލިން ދައްކަމުން އަންނަ އަހަމްދު ފަރުހާދު (ފަރާ)އެވެ.
މީދޫ ޓީމްގެ ކޯޗަކީ މަޝްހޫރު ކޯޗު ބޮޑު ހީނާއެވެ. ހީނާގެ ބެލުމުގެ ދަށުން ޓީމް ވަނީ މުބާރާތަށް ވަރަށް ފުރިހަމައަށް ތައްޔާރުވެފައި ކަމަށް ޓީމުން ބުނެއެވެ.
މީދޫ ޓީމްގައި ބިދޭސީ އަދި ރަށުން ބޭރުގެ ކުޅުންތެރިން ނުހިމެނެއެވެ.