ވެރިކަން ކުރާ ޕާޓީ، ޕީއެންސީ އާއި އިދިކޮޅު ޕާޓީ، އެމްޑީޕީގެ ހަރަކާތްތަކެއް މިރޭ ބާއްވަން ތައްޔާރުވެއްޖެ އެވެ.
ޕީއެންސީން މިރޭ ބާއްވަނީ ހާއްސަ ހަރުގެ ޖަލްސާއެކެވެ.
ކޮންގްރެސް ހައުސްގައި ބާއްވާ ޖަލްސާ ފަށަން ހަމަޖެހިފައި ވަނީ މިރޭ 8:45 ގަ އެވެ.
އެމްޑީޕީން މިރޭ ބާއްވަނީ 'ރައީސް މުއިއްޒު ފާލުން ނެއްޓިއްޖެ' ގެ ނަމުގައި ބާއްވާ ކުއްލި ހަރަކާތެކެވެ. އެ ހަރަކާތް އޮންނާނީ ޕާޓީގެ ހަރުގެ ކުރިމަތީގަ އެވެ. ފަށާނީ 8:30 ގަ އެވެ.
އެމްޑީޕީމް ވަނީ ފާލުން ނެއްޓިފައިވާ މި ސަރުކާރު ހަމަ މަގަށް އަޅުވަން މިރޭ ވީހާ ގިނަ ބަޔަކު ނުކުތަމަށް އެދިފަ އެވެ.