ގދ. ގައްދޫން ހުޅުމާލެއަށް ދަތުރުކުރަނިކޮށް ގެއްލުނު ދޯނި ފެނިއްޖެ އެވެ.
ފުލުހުން މިއަދު ބުނީ "ބްރިލިއަންޓް ކެރިއާ" ދޯނި ރޭ ފަތިހު 5:00 އެހައިކަންހާއިރު ލ. އަތޮޅު ތެރެއިން ފެނިފައިވާ ކަމަށް ކޯސްޓް ގާޑުން މައުލޫމާތު ދީފައިވާ ކަމަށާއި އޭގައި ތިބި ފަސް މީހުންގެ ހާލު ވެސް ރަނގަޅު ކަމަށެވެ.
ދޯނި ގެއްލުނީ އާދީއްތަ ދުވަހުގެ ރޭ 8:00 ހާއިރު ގައްދޫން ހުޅުމާލެ އަށް ދަތުރު ކުރަނިކޮށެވެ.
ދޯނި ފެނުނީ ގއ. ވިލިގިނލީގެ އިރުއުތުރުން 48 މޭލު ބޭރުގައި އޮއްވަ އެވެ. އެ ދޯނި ފެނުނު އިރު ދޯނީގެ އިންޖީނު އޮތީ ހުއްޓިފަ އެވެ.