ތިމާވެއްޓާ ރައްޓެހިކޮށް ރާއްޖޭގައި ޒަމާނުއްސުރެ ކުރަމުން އަންނަ ދޮށީގެ މަސްވެރިކަމަކީ މުޅި ދުނިޔެ އަށް ވެސް ނަމޫނާއެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
މިއަދު ފާހަގަކުރާ "ދުނިޔޭގެ ކަނޑުމަހުގެ ދުވަހު" އާ ގުޅިގެން ރައީސް ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ ކާބަފަައި ޒަމާނުއްސުރެ ދިވެހި މަސްކަނޑުތަކުގައި ދިވެހީން މި ކުރާ ދޮށީގެ މަސްވެރިކަމަކީ މުޅި ދުނިޔެއަށް ނަމޫނާއެއް ކަމަށެވެ.
"މަސްވެރިކަމުގެ ޞިނާޢަތް ނެގެހެއްޓުމަށް ރެޔާއި ދުވާލު މަސައްކަތް ކުރައްވާ ހުރިހާ ޚިދުމަތްތެރީންނަށް ދުނިޔޭގެ ކަނޑު މަހުގެ ދުވަހުގެ ތަހުނިޔާ ދަންނަވަން." ރައީސް ވިދާޅުވި އެވެ.
ރާއްޖޭގެ ދެވަނަ އިގުތިސާދުގެ ގޮތުގައި އޮތް މަސްވެރި ކަމަކީ ދިވެހިގެ ލެޔާ ވަރަށް ވަރަށް ބޮޑަށް ގުޅިފައިވާ ދިވެހިންގެ ލޭނާރުގެ ސިފަކުރަމުން އަންނަ ދާއިރާއެކެވެ. ދިވެހި މަސްވެރިކަމުގެ ހާއްސަ ކަމަކީ ތިމާވެއްޓާ ވަރަށް ރައްޓެހި މަސްވެރިކަމެއް ކުރަމުން އައުމެވެ.
ކާބަފަައި ޒަމާނުއްސުރެ ދިވެހި މަސްކަނޑުތަކުގައި ދިވެހީން މިކުރާ ދޮށީގެ މަސްވެރިކަމަކީ މުޅި ދުނިޔެއަށް ނަމޫނާއެއް.
މަސްވެރިކަމުގެ ޞިނާޢަތް ނެގެހެއްޓުމަށް ރެޔާއިދުވާލު މަސައްކަތް ކުރައްވާ ހުރިހާ ޚިދުމަތްތެރީންނަށް ދުނިޔޭގެ ކަނޑުމަހުގެ ދުވަހުގެ ތަހުނިޔާ ދަންނަވަން! pic.twitter.com/2wfff1xXsG— Dr Mohamed Muizzu (@MMuizzu) May 2, 2025
އެގޮތުން އެންމެ އިހުގެ ގޮތަށް ދޮށީގެ މަސްވެރިކަމަކީ މިހާތަނަށް ވެސް ބަދަލެއް ނައިސް އޮތް، ދިވެހިންނާއި ރާއްޖެއާ ވަރަށް ބޮޑަށް ގުޅިފައި އޮތް ކަމެކެވެ.
މަސްވެރިކަމުގެ ދާއިރާ ކުރިއެރުމަށް ގިނަ މަސައްކަތްތަކެއް ސަރުކާރުން ކުރަމުން އަންނަ އިރު، މި ދާއިރާ ސިންދަފާތުކޮށް، މަސްވެރިކަމުގެ ނަފާ އިތުރު ކުރުމަކީ ސަރުކާރުގެ ވަރަށް ބޮޑު އަމާޒަކެވެ.