ޗައިނާ އިން ދިވެހި ރާއްޖެއަށް ކަނޑައެޅުއްވި އާ ސަފީރު ކޮންގް ޝިއަންހުއާ, ސަފީރުކަމުގެ ފަތްކޮޅު ރައީސް ޑރ. މުޙައްމަދު މުޢިއްޒަށް މިއަދު އަރުވައިފި އެވެ.
ސަފީރު ކަމުގެ ފަތްކޮޅު އެރުވުން އޮތީ މިއަދު ހެނދުނު ރައީސް އޮފީހުގަ އެވެ.
ސަފީރުގެ ފަތްކޮޅު އެެެރުވުމުގެ ރަސްމިއްޔާތަށް ފަހު ރައީސް ވަނީ ސަފީރާ ބައްދަލު ކުރައްވައި ދެ ޤައުމުގެ ގުޅުން އިތުރަށް ބަދަހި ކުރެއްވުމާއި ގުޅޭގޮތުން މަޝްވަރާ ވެސް ކުރައްވައިފަ އެވެ. އެގޮތުން ދެ ގައުމުން އިސްކަން ދޭ ކަންކަމާއި މަސްލަޙަތު ހިމެނޭ ކަންކަމުގައި ދެ ޤައުމުން ގުޅިގެން މަސައްކަތް ކުުރުމާ މެދު ދެ ބޭފުޅުން މަޝްވަރާ ކުރެއްވި އެވެ.
ޗައިނާ ސަފީރު ވަނީ ވިދާޅުވީ ރާއްޖެ އިން ބޭނުންވާ ކަންކަމުގައި ޗައިނާގެ މަދަދާއި އެހީތެރިކަމާއިދި ތާއީދު އަބަދު ވެސް އޮންނާނެކަމުގެ ޔަޤީންކަން ދެއްވައިފަ އެވެ.
ޗައިނާއާ ރާއްޖެ ސިޔާސީ ގުޅުން ގާއިމުކުރީ އޮކްޓޯބަރު 14, 1972 ގަ އެވެ.