ދ. ވާނީގައި ޕޮލިސް ޓްރެއިނިންގައި އުޅެނިކޮށް ހާލު ދެރަވި މީހާ ނިޔާވެއްޖެ އެވެ.
އައިޖީއެމްއެޗްގައި ފަރުވާ ދެމުންދަނިކޮށް މިއަދު ހަވީރުގެ ވަގުތެއްގައި ނިޔާވީ ޕޮލިސް ކޮންސްޓަބްލް ޙުސައިން ގާއިސް (34އ) އެވެ.
ގާއިސްގެ ހާލު ދެރަވީ މިދިޔަ އާދީއްތަ ދުވަހުގެ ފަތިހު އެެވެ. އެކަމާ ގުޅިގެން ދ. އަތޮޅު ހޮސްޕިޓަލަށް ގެންގޮސް ފަރުވާ ދިނުމަށް ފަހު ހަމަ އެ ދުވަހު މާލެ ގެންގޮސް އައިޖީއެމްއެޗްގައި ފަރުވާ ދޭން ފެށި އެވެ.
ނަމަވެސް އޭނާގެ ހާލު ދެރަވާން މެދުވެރިވި ސަބަބެއް ފުލުހުން ހާމައެއް ނުކުރެ އެވެ.