މ. މުލީގައި އަލަށް ހެދި އެއާޕޯޓަށް ގައުމީ އެއާލައިން މޯލްޑިވިއަންގެ ޝެޑިއުލް ދަތުރުތައް އަންނަ ހަފްތާގައި ފަށާނެކަމަށް އެ އެއާލައިނުން ބުނެފި އެވެ.
މޯލްޑިވިއަނުން ބުނީ މުލީ އެއާޕޯޓަށް ކުރާ ފުރަތަމަ ދަތުރު އޮންނާނީ މި މަހު 17ވާ ހޮނިހިރު ދުވަހު ކަމަށެވެ. މި ދަތުރަށް ބުކް ކުރުމުގެ ފުރުސަތު މޯލްޑިވިއަނުން މިހާރު ވަނީ ހުޅުވާލާފަ އެވެ.
މުއްޔަށް އެއްކޮޅަށް ފެއާގެ އަގުތައް ފެށޭ އަގަކީ 1377 ރުފިޔާ ކަމަށް މޯލްޑިވިއަނުން ބުނެ އެވެ.
Touching down in Meemu Muli for the very first time! 🛬 Maldivian proudly launches its newest domestic route, connecting you to the heart of Meemu Atoll in just 35 minutes. Book now and be part of this historic journey. 💫 #maldivianaero pic.twitter.com/fZnWexZPsQ
— MaldivianAero (@MaldivianAero) May 9, 2025
ރީޖަނަލް އެއާޕޯޓްސް ކޮމްޕެނީ އިން ބުނީ މުލީ އެއާޕޯޓަށް ކޮމާޝަލް އޮޕަރޭޝަން ފެށުމަށް ތިން އެއާލައިނަކަށް ދައުވަތު ދީފައިވާ ކަމަށެވެ. އެއީ ގައުމީ އެއާލައިން މޯލްޑިވިއަން އާއި ވިލާ އެއާގެ އިތުރުން މަންޓާ އެއާ އެވެ.
މުލީ އެއާޕޯޓަށް ޓެސްޓް ފްލައިޓް ބޭއްވީ މިދިޔަ މަހުގެ 25 ގަ އެވެ.
މި އެއާޕޯޓަކީ އެމްޓީސީސީއާ ހަވާލުކޮށްގެން 300 މިލިއަނަށް ވުރެ ގިނަ ރުފިޔާ އިން ތަރައްގީކޮށްފައިވާ އެއާޕޯޓެކެވެ.