އައްޑޫގައި ކުރިއަށް ގެންދިޔަ ހޭންޑްބޯލް ރެފްރީން ތަމްރީން ކޯސް ނިންމާލައި ބައިވެރިންނަށް ސެޓްފިކެޓް ދީފި އެވެ.
އެ ކޯހުގެ ނިމުން ފާހަގަކުރަން ބޭއްވި ހަފުލާ ޝަރަފުވެރިކޮށް ދެއްވީ ސްޕޯޓަސް މިނިސްޓަރު އަބްދުﷲ ރާފިއު އެެވެ.
މިދިޔަ މަހުގެ 29 އިން އިއްޔެގެ ނިޔަލަށް ބޭއްވި ހޭންޑްބޯލް ރެފްރޯ ކޯހުގައި 18 މީހަކު ބައިވެރިވި އެެވެ.
މި ކޯހަކީ ސްޕޯޓްސް މިނިސްޓްރީގެ ބެލެނިވެރިކަމުގެ ދަށުން ހިންގަމުން އަންނަ، މޯލްޑިވްސް ނޭޝަނަލް އިންސްޓިޓިއުޓް އޮފް ސްޕޯޓްސް (އެމްއެންއައިއެސް) އާއި ހޭންޑްބޯލް މޯލްޑިވްސް އާއި، އައްޑޫ ކައުންސިލް ގުޅިގެން ކުރިއަށް ގެންދިޔަ ކޯހެކެވެ.
ކޯސް ކުރިއަށް ގެންދިޔައީ ހިތަދޫގަ އެވެ. އަދި ކޯހުގެ އިންސްޓްރަކްޓަރަކީ ދާއިރާގެ ތަޖުރިބާކާރު ރެފްރީއެއް ކަމަށްވާ ޝާމިން އިބްރާހީމެވެ.