ރާއްޖެއިން މި އަހަރު ހައްޖަށް ދާ ހައްޖާޖީން މި މަހުގެ 26 ގައި ފުރަން ފަށާނެ ކަމަށް ހައްޖު ކޯޕަރޭޝަނުން ބުނެފި އެވެ.
މި އަހަރު ވެސް ރާއްޖެ 1،000 މީހުން ހައްޖަށްދާ އިރު، ހުރިހާ އެންމެން ވެސް ހައްޖަށް ދާނީ ހައްޖި ކޯޕަރޭޝަންގެ ހަވާލުގަ އެވެ. ހައްޖަށް ދާ މީހުންގެ ތެރޭގައި ސަރުކާރުން ހައްޖަށް ފޮނުވާ 50 ފަގީރުން ވެސް ހިމެނެ އެވެ.
1446ހ ވަނަ އަހަރު ހައްޖު ކޯޕަރޭޝަންގެ ހަވާލުގައި ހައްޖަށް ދާ ހައްޖުވެރިން ހައްޖަށް ފުރުމުގެ ކުރިން ސައުދީއަރަބިއްޔާގައި ވާންޖެހޭ އެންމެ ފަހުގެ ތައްޔާރީތަކަށް ހައްޖު ކޯޕަރޭޝަންގެ އެޑްވާންސް ޓީމް މިއަދު ފުރައިފި.
އަޅުގަނޑުމެންގެ މި މަސައްކަތުގައި الله سبحانه وتعالى ބަރަކާތް… pic.twitter.com/qV4b0VQY7V— Mohamed Shakeel 🇲🇻 (@schakyyl) May 16, 2025
ރާއްޖެއިން ހައްޖަށް ދާ މީހުން މި މަހުގެ 26 ގައި ފުރަން ފަށާއިރު ހަތަރު ފްލައިޓެއްގައި ހައްޖާޖީން މައްކާ އަށް ދާނެ އެވެ. އެއީ ސައުދީ އަރަބިއާގެ ސައުދިއާގެ ދެ ފްލައިޓަކާއި ގައުމީ އެއާލައިން، މޯލްޑިވިއަންގެ ދެ ފްލައިޓެއްގަ އެވެ.
ހައްޖާޖީންނާ އެކު ފަހު ފްލައިޓުގައި ފުރާނީ މި މަހުގެ 30 ގަ އެވެ.
މި އަހަރުގެ ހައްޖު ދުވަހަށް ވަނީ މަހުގެ 5 އެވެ.
ރާއްޖެ އިން މި އަހަރު ހައްޖަށްދާ މީހުން ފުރުމާއި ސައުދީ އަށް އެތެރެވުމުގައި ވަރަށް ބޮޑު ލުއި ފަސޭހަ ކަމެއް ލިބިގެން ދާނެ އެވެ. އެއީ މި އަހަރު "މައްކާ ރޫޓް އިނިޝިއޭޓިޮވް" ގައި ރާއްޖެ ހިމެނުމާ ގުޅިގެންނެވެ. އެތަނުގެ އިސް ވަފުދެއް ވެސް މި ވަގުތު ރާއްޖޭގައި އެބަ އުޅެ އެވެ.