ބ. އޭދަފުށި މަގުތަކެއް ޒަމާނީ ފެންވަރަށް ތަރައްގީ ކުރުމުގެ ދެވަނަ ފިޔަވަހީގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އާ ހަވާލުކޮށްފި އެވެ.
އެކަމުގެ އެއްބަސްވުމުގައި އިއްޔެ ކޮންސްޓްރަކްޝަން މިނިސްތްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު ޙަސަން ރަޝީދެވެ. އާރްޑީސީގެ ފަރާތުން ސޮއި ކުރެއްވީ މެނޭޖިން ޑިރެކްޓަރު ޢަލީ ޒުހައިރެވެ.
ބ. އޭދަފުށީގެ މަގުތައް ޒަމާނީ ފެންވަރަށް ތަރައްޤީ ކުރުމުގެ ދެވަނަ ފިޔަވަހީގެ އެއްބަސްވުމުގައި ގެދޮރުވެރިކަމާއި ބިނާރާ ބެހޭ ވުޒާރާ އާއި މި ކޯޕަރޭޝަނާއި އެކު މިއަދު ވަނީ ސޮއި ކޮއްފައެވެ.#TeamRDC pic.twitter.com/vVTC1cEO1v
— Road Development Corporation Ltd (@rdcmaldives) May 19, 2025
އެ ކުންފުންޏާ އޭދަފުށީގެ މަގުތައް ހެދުމުގެ ދެވަނަ ފިޔަވަހި ހަވާލުކުރީ 75.68 މިލިއަން ރުފިޔާއަށެވެ. މި މަޝްރޫއުގެ ދަށުން 5.3 ކިލޯ މީޓަރުގެ މަގުގައި ތާރު އަޅާނެ އެވެ. އަދި ދުވާރުތައް ހެދުމާއި ފެން ހިންދުމުގެ ނިޒާމު ގާއިމު ކުރާނެ އެވެ.