ގދ. ހޯނޑެއްދޫއާއި މަޑަވެއްޔަށް އުދަ އަރައިފި އެވެ.
ލޯކަލް ގަވަމެންޓް މިނިސްޓަރު އާދަމް ޝަރީފް އުމަރު ވިދާޅުވީ ގދ. އަތޮޅުގެ ބައެއް ރަށްތަކަށް މި ދުވަސްވަރު އުދައަރަމުންދާ ކަމަށެވެ. އެގޮތުން ހޯނޑެއްދޫއާއި މަޑަވެއްޔަަށް މިއަދު ވެސް ވަރަށް ބޮޑަށް އުދައަރާފައިވާ ކަމަށް މިނިސްޓަރު ވިދާޅުވި އެވެ.
"ކައުންސިލުން ގެންދަނީ މިވަގުތަަށް ކުރެވެން ހުރި މަސައްކަތް ކުރަމުން،" އޭނާ ވިދާޅުވި އެވެ.
ގދ. އަތޮޅުގެ ބައެއް ރަށްރަށަށް މި ދުވަސްވަރު ދަނީ އުދައަރަމުން. ހޯނޑެއްދޫއާއި މަޑަވެއްޔަަށް މިއަދު ވެސް ވަރަށް ބޮޑަށް އުދައަރަމުން އެބަދޭ. ކައުންސިލުން ގެންދަނީ މިވަގުތަަށް ކުރެވެންހުރި މަސައްކަތް ކުރަމުން. pic.twitter.com/0kIgdRdLQj
— Adam Shareef Umar (@Adamshareefz) May 29, 2025
މި ދުވަސްވަރަކީ ރާއްޖޭގެ އެކި ހިސާބަށް މޫސުން ގޯސް ދުވަސްވަރެއް ކަމަށްވާއިރު، މެޓް އޮފީހުން ވަނީ ހއ. އަތޮޅުން ފެށިގެން ވ. އަތޮޅާއި ހަމައަށް ޔެލޯ އެލާޓް ނެރެފަ އެވެ. މި އެލާޓް ނެރެފައިވަނީ މިރޭ 11:30 އާއި ހަމައަށެވެ.
އެލާޓް ނެރެފައިވާ ވަގުތުގައި ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ވަނީ ލަފާކޮށްފަ އެވެ. އަދި ކަނޑުތައް ގަދަވާނެ ކަމަށްވެސް ލަފާކޮށްފައިވެ އެވެ.