ބެލުންތެރިންގެ ވަރަށް ބޮޑު މަގުބޫލު ކަމެއް ހޯދި ނެޓްފްލިކްސްގެ ސުޕަނެޗްރަލް މިސްޓްރީ ކޮމެޑީ "ވެނިޒްޑޭ" ގެ ސީޒަން ދޭއްގެ ޓްރެއިލާއެއް އާންމުކޮށްފި އެވެ.
މި ސީޒަންގެ ދެ ބަޔަކަށް ގެނެސްދޭން ނިންމާފައިވާ އިރުމ ފުރަތަމަ ބައި ޕްރީމިއާކުރާނީ އަންނަ އޮގަސްޓް މަހުގެ 6 ގަ އެވެ. އަދި ދެވަނަ ބައި ޕްރީމިއާކުރާނީ ސެޕްޓެމްބަރު 3 ގަ އެވެ.
"ވެނިޒްޑޭ" ސީޒަން ދޭއްގެ ޓްރެއިލާ އިން ވެސް ދައްކުވައިދޭ ގޮތުގައި މިއީ ފުރަތަމަ ސީޒަންގައި ދައްކުވައި ދިން ކަހަލަ ޝައުގުވެރި އެތައް ކަމެއް ގެނެސްދޭނެ ސީޒަނެކެވެ. މި ސީޒަންގެ ހާއްސަ އެއް ކަމަކީ މަޝްހޫރު ލަވަކިޔުންތެރިޔާ/ބަތަލާ ލޭޑީ ގާގާގެ ހާއްސަ ފެނިލުމެއް ވެސް ހިމެނުމެވެ.
އަލްފްރެޑް ގަފް އާއި މިލެސް މިލާގެ މޭސްތިރިކަމުގެ ދަށުން "ވެނިޒްޑޭ" ގެ ފުރަތަމަ ސީޒަން ގެނެސްދިނީ 2022 ނޮވެމްބަރުގަ އެވެ. އެ ސީޒަންގައި ހިމެނެނީ 8 އެޕިސޯޑެވެ.
"ވެނިޒްޑޭ" ގެ މައިގަނޑު ތަރި އަކީ ވެނިޒްޑޭ އެޑަމްސްގެ ރޯލު ކުޅޭ ޖެނާ އޯޓެގާ، 22، އެވެ.