ޅ. އަތޮޅު ހޮސްޕިޓަލުން ގިނަ އަދަދެއްގެ މުވައްޒަފުން ހޯދަން އިއުލާންކޮށްފި އެވެ.
އެ ހޮސްޕިޓަލާއި އެތަނުގެ ދަށުން ހިންގަމުން އަންނަ ޅ. އަތޮޅުގެ ރަށްރަށުގެ ސިއްހީ މަރުކަޒުތަކަށް ހޯދާ މުވައްޒަފުންގެ ތެރޭގައި ދިވެހި ޑޮކްޓަރުންނާއި ލެބޯޓްރީ ޓެކްނިޝަނުންނާއި ނަރުހުންނާއި ރޭޑިއޯލޮޖިކް ޓެކްނޮލޮޖިސްޓް/ރޭޑިއޯލޮޖިކް ޓެކްނީޝަނުންނާއި ސްޕީޗް -ލޭންގުއޭޖް ޕެތޮލޮޖިސްޓުން ހިމެނެ އެވެ.
ޅ. އަތޮޅު ހޮސްޕިޓަލުން ހޯދާ ސްޕެޝަލިސްޓުންގެ ތެރޭގައި ހަތް ދާއިރާއަކުން 12 ދިވެހި ޑޮކްޓަރުންނާއި 43 ސީނިއާ މެޑިކަލް އޮފިސަރުންނާއި/މެޑިކަލް އޮފިސަރުންނާއި 34 ސީނިއާ ޑެންޓަލް އޮފިސަރުން/ޑެންޓަލް އޮފިސަރުންނާއި 39 ނަރުހުންނާއި 31 މެޑިކަލް ލެބޯޓްރީ ޓެކްނީޝަން މެޑިކަލް ލެބޯޓްރީ ޓެކްނޮލޮޖިސްޓް/ ސީނިއާ މެޑިކަލް ލެބޯޓްރީ ޓެކްނީޝަން/ މެޑިކަލް ލެބޯޓްރީ ޓެކްނޮލޮޖިސްޓުންގެ އިތުރުން އެއް ސްޕީޗް ލެންގްއޭޖް ޕެތޮލޮޖިސްޓް ހިމެނެ އެވެ.
މި މަގާމުތަކަށް ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު ހުޅުވާލާފައި ވަނީ މި މަހުގެ 16-23 އާ ދޭތެރޭގަ އެވެ.
މިކަމާ ބެހޭ އިތުރު މައުލޫމާތު މި ނަމްބަރު 6620150 އިން ހޯދޭނެ އެވެ.