އެއާ އިންޑިއާގެ މަތިންދާބޯޓެއް މިއަދު ވެއްޓި އެއިން ދަތުރުކުރި އެންމެން މަރުވާ ގުޅިގެން ރައީސް ޑރ. މުހައްމަދު އިންޑިއާ އަށް ހަމްދަރުދީ ފާޅުކުރައްވައިފި އެެވެ.
ސޯޝަލް މީޑިއާ ޕޯސްޓެއްގައި އެ މަނިކުފާނު ވިދާޅުވީ މި ހިތާމަވެރި ހާދިސާއާ ގުޅިގެން އިންޑިއާ އާއި އެ ގައުމުގެ ރައްޔިތުންނާ އެކު ރާއްޖެ އިން ދިވެހިން ތިބި ކަމަށެވެ.
އެއާ އިންޑިއާގެ ބޮއެން 8-787 މަރުކާގެ ބޯޓް ވެއްޓުނީ އަހުމަދުއާބާދު އެއާޕޯޓް ލަންޑަށް ދާން ދަތުރު ފެށިތާ ފަސް ވަރަކަށް މިނިޓްގެ ތެރޭގަ އެވެ. ބޯޓްގައި ޖުމްލަ 242 މީހުން ތިއްބެވެ. އެއީ 230 ޕަސިންޖަރުންނާއި 12 ފަޅުވެރިންނެވެ. ބޯޓުން ދަތުރުކުރި މީހުންގެ ތެރޭގައި 11 ކުޑަކުދިން ވެސް ހިމެނެ އެވެ.
I express profound sadness at the tragic crash of @airindia flight AI 171 near Ahmedabad.
At this difficult time, the government and people of #Maldives stand in solidarity with the people and the Government of India.
— Dr Mohamed Muizzu (@MMuizzu) June 12, 2025
މީހުން ދިރިއުޅޭ ސަރައްހަދުގެ މެޑިކަލް ކޮލެޖެއްގެ މައްޗަށް ބޯޓް ވެއްޓުނު އިރު، އެއިން ދަތުރުކުރި މީހުންގެ ތެރޭގައި ހިމެނެނީ އިންޑިއާގެ 169 މީހަކާއި އިނގިރޭސިވިލާތުގެ 53 މީހަކާއި ޕޯޗްގީޒްގެ ހަތް މީހެއްގެ އިތުރުން ކެނެޑާގެ މީހެކެވެ.
ބޯޓުން ދަތުރުކުރި އެންމެން ވެސް މަރުވެފައިކަން ކަމާބެހޭ ފަރާތްތަކުން ކަށަވަރުކޮށް ދީފައިވާ އިރު، ބޯޓް ވެއްޓެން ދިމާވި ސަބަބެއް އަދި ސާފެއް ނުވެ އެވެ.
މިއީ ފަހުގެ ތާރީހެއްގައި އިންޑިއާގެ އޭވިއޭޝަން ދާއިރާގައި ހިނގި އެންމެ ހިތާމަވެރި ހާދިސާއާ އެވެ.