ހުޅުމާލޭގައި މިއަދު ސައިކަލަކާއި ކާރެއް އެކްސިޑެންޓްވުމާ ގުޅިގެން އެކްސިޑެންޓްވި ދެ މީހުން މާރާމާރީ ހިންގައިފި އެވެ.
ފޭސް ދޭއްގައި މިއަދު މެންދުރު ފަހު ހިނގި އެކްސިޑެންޓްވި ކާރަކީ ޓެކްސީއެކެވެ.
މި އެކްސިޑެންޓް ހިނގުމާ އެކު ދެ ވެހިކަލްގައި ތިބި މީހުން މާރާމާރީ ހިންގި މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި ދައުރުވެފައިވެ އެވެ. އެ ވީޑިއޯ އިން ކާރުގެ ކުރީކޮޅަށް ދިމާއަށް ސައިކަލް ވެއްޓިފައި އޮންނަ ތަން ފެނެ އެވެ.
ނަމަވެސް މި އެކްސިޑެންޓް ހިނގަން ދިމާވި ސަބަބެއް ނޭނގެ އެވެ. އަދި މިކަމާ ގުޅޭ ގޮތުން ފުލުހުން ވެސް ވަކި އެެއްޗެއް ބުނެފައެއް ނުވެ އެވެ.
މީގެ ކުރިން ވެސް އެކްސިޑެންޓްވުމުން މާރާމާރީތައް ހިންގާފައިވެ އެވެ.