ހެލްތު މިނިސްޓްރީ އަށް ޕާމަނަންޓް ސެކްރެޓަރީއަކު ހޯދަން އިއުލާންކޮށްފި އެވެ.
ސިވިލް ސާވިސް ކޮމިޝަން (ސީއެސްސީ) އިން މިއަދު ކުރި އިޢުލާނެއްގައި ބުނީ އެ މަގާމަށް ޝައުގުވެރިވާ މީހުންނަށް އެޕްލައޮ ކުރުމުގެ ފުރުސަތު އަންނަ މަހުގެ 6 އާ ހަމައަށް ހުޅުވާލާފައިވާ ކަމަށެވެ.
ހެލްތު މިނިސްޓްތީ އަށް ޕީއެސްއެއް ހޯދަން އިއުލާންކުރީ މިހާރު އެ މަގާމުގައި ހުންނެވި އައިޝަތު ސާމިޔާގެ ދައުރު އަންނަ އޮގަސްޓް މަހުގެ 9 އަށް ހަމަވާތީ އެވެ. އޭނަ މަގާމަށް އައްޔަންކުރީ އޮގަސްޓް 10، 2020 ގަ އެވެ.
ޕީއެސްގެ އަސާސީ މުސާރަ އަކީ މަހަކު 20،500ރ. އެވެ. އަދި ލިވިން އެލަވަންސްގެ ގޮތުގައި މަހަކު 15،000ރ. ލިބޭނެ އެވެ.