ވިޔަފާރި އަށް އައްޑޫ ހުޅުދޫން 16 ބިން ކުއްޔަށް ދޭން ކައުންސިލުން ބީލަމަށް ހުޅުވާލައިފި އެވެ.
އެ އަވަށުގެ އިންޑަސްޓްރިއަލް ޒޯނުން ބިން ދޫކުރަން ނިންމާފައި ވަނީ ތަފާތު ބާވަތްތަކުގެ ވިޔަފާރިތައް ހިންގުމަށެވެ. އޭގެ ތެރޭގައި ހޯލްސޭލް/ރީޓޭލް/ކެފޭ ރެސްޓޯރަންޓް ވިޔަފާރި އާއި ޑައިވް ސެންޓަރު/ވޯޓަ ސްޕޯޓްސް އާއި ކޮފީ ބާ/ކިއޮސްކް (ގާޑިއާ) ވިޔަފާރި އާއި ފުޑް ޕްރޮސެސިން އާއި ތެޔޮ ޝެޑާއި ގޭސް ގުދަން އަދި ގާ އެޅުމުގެ މަސައްކަތް ހިމެނެ އެވެ.
މިކަންމަށް ދޫކުރަން ނިންމާފައި ވަނީ 1،200-5،000 އަކަފޫޓްގެ ބިންތަކެވެ.
ބިންތަކަށް ޝައުގުވެރިވާ ފަރާތްތަކަށް ބިންތަކަށް އެދި ހުށަހެޅުމުގެ ފުރުސަތު އަންނަ މަހުގެ 17 އާ ހަމައަށް ވަނީ ހުޅުވާލައިފަ އެވެ. ބިންތަކަށް ޝައުގުވެރިވާ ފަރާތްތަކުން ބީލަމުގައި ބައިވެރިވާން އަންނަ މަހުގެ 3 ވަނަ ދުވަހުގެ މެންދުރު ފަހު 2:00 ގެ ކުރިން ރަޖިސްޓްރީވާން ޖެހެ އެވެ. ރަޖިސްޓްރޭޝަނަށް 300ރ. ދައްކަން ޖެހެ އެވެ.
ރަޖިސްޓްރީވާނީ މި މެއިލް [email protected] މެދުވެރިކޮށެވެ.