މި އަހަރުގެ އިންޓަ-ސްކޫލް އެތުލެޓިކްސް މީޓް ކުޅުދުއްފުށީގައި މިއަދު ފަށައިފި އެވެ.
މި މުބާރާތް ކުރިއަށް ދާނީ މިއަދުން ފެށިގެން މި މަހުގެ 26 އަށް ކުޅުދުއްފުށި ސްޓޭޑިއަމްގަ އެވެ.
އެތުލެޓިކްސް އެސޯސިއޭޝަނުން އިންތިޒާމުކޮށްގެން ބާއްވާ މުބާރާތުގައި، ހއ، ހދ އަދި ށ އަތޮޅުގެ ޖުމްލަ 21 ސްކޫލަކުން 774 އެތުލީޓުން ވާދަކުރެ އެވެ.
ޖުމްލަ 108 އިވެންޓް މުބާރާތުގައި ކުރިއަށް ގެންދަން ހަމަޖެހިފައިވާ އިރު، 8 އުމުރުފުރަކުން ދަރިވަރުން ވާދަކުރެ އެވެ.
މިދިޔަ އަހަރު އިންޓަ-ސްކޫލް އެތުލެޓިކްސް މީޓް ބޭއްވީ އައްޑޫގަ އެެވެ. އެގޮތުން އެ އަހަރުގެ ފެބްރުއަރީ 11-16 އަށް ބޭއްވި މުބާރާތުގައި 31 ސްކޫލަކުން ވާދަކުރި އެވެ.