އިރާނާއި އިޒްރޭލުގެ ކުރިމަތިލުންތަކާ ގުޅިގެން މެދުއިރުމަތީގެ މަސްރަހު ވަރަށް ބޮޑަށް ގޯސްވެފައިވާތީ މި ހާލަތާ ގުޅިގެން ރާއްޖޭގެ އިގުތިސާދަށް ކުރަމުންދާ އަސަރުތައް ސަރުކާރުން ވަރަށް ފުންކޮށް ދިރާސާ ކުރަމުން އަންނަ ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެ އެވެ.
ސޯޝަލް މީޑިއާ ޕޯސްޓެއްގައި އޭނަ މިއަދު ވިދާޅުވީ މެދުއިރުމަތީގެ ހަނގުރާމައިގެ ސަބަބުން ތެލުގެ އަގުތަކަށް އަންނަމުންދާ ބަދަލުތަކާއި ކާބޯތަކެތީގެ ސަޕްލައި ޗެއިން ދެމެހެއްޓުމާއި ގައުމުގެ މާލީ ނިޒާމަށް ކުރިމަތިވެދާނެ ގޮންޖެހުންތަކާ މެދު ސަރުކާރުން ވަރަށް ބޮޑު ސަމާލުކަމެއް ދެމުން އަންނަ ކަމަށެވެ. އަދި ބާޒާރުގެ އަގުތަކަށް އަންނަ ބަދަލުތަކާއި އިންފްލޭޝަނާއި ވިޔަފާރިތަކަށް ދިމާވެދާނެ ހުރަސްތައް ވަރަށް ގާތުން މޮނިޓާކުރަމުން އަންނަ ކަމަށް ވެސް ވިދާޅުވި އެވެ.
The Government, under the leadership of President Dr @MMuizzu, is actively assessing the impact of the situation in Middle East on our economy, including energy markets, food security, and overall financial stability.
We are working with relevant institutions to closely monitor…
— Moosa Zameer (@MoosaZameer) June 24, 2025
ޒަމީރު ވިދާޅުވީ އެ ކަންކަން ބެލެހެއްޓުމަށްޓަކައި ކަމާ ގުޅޭ އިދާރާތަކާ އެކު ވިލަރެސްކޮށް މަސައްކަތްތަކެއް ކުރަމުން އަންނަ ކަމަށެވެ.
މިނިސްޓަރު ވިދާޅުވީ ދިވެހި ރައްޔިތުންނަށް މި ހާލަތުގައި ކުރިމަތިވެދާނެ އެންމެހާ ދަތިތަކުން ސަލާމަތްވުމަށް ހާއްސަ އިސްކަމެއް ދޭނެ ކަމަށެވެ.