ރާއްޖޭގެ 60 ވަނަ މިނިވަން ދުވަހާއި ގުޅިގެން ބޭނުންކުރަން ނިންމާފައިވާ ލޯގޯ ދިވެހި ބަހާއި ސަގާފަތާއި ތަރިކައާ ބެހޭ ވުޒާރާއިން ދައްކާލައިފި އެވެ.
މި ލޯގޯ ކުރެއްސެވީ ހދ. ނޭކުރެންދޫ ވާރޭ ވިލާ، ފަރުހާދު އިބްރާހިމް އެވެ.
ދިވެހިރާއްޖޭގެ މިނިވަންކަމަށް 60 އަހަރު ފުރޭ އުފާވެރި މުނާސަބަތުގައި ބޭއްވުނު ލޯގޯ ފަރުމާކުރުމުގެ މުބާރާތުން 1ވަނަ އަށްހޮވިފައިވާ ލޯގޯ.
މި ލޯގޯ ކުރެއްސެވި ފަންނާނު ހދ. ނޭކުރެންދޫ ވާރޭ ވިލާ، ފަރުހާދު އިބްރާހީމަށް ތަހުނިޔާއާއި ހެޔޮ އެދުންތައް އަރިސްކުރަމެވެ.#ދައުލަތުގެޓީމު pic.twitter.com/wLYH8zIF52
— Ministry of Dhivehi Language, Culture and Heritage (@MoDLCH) June 25, 2025
މިނިވަން 60 ގެ ލޯގޯ ފަރުމާކުރުމުގެ މުބާރާތެއް އެ ވުޒާރާއިން ކުރިއަށްގެންދިޔައިރު، އެންމެ ރަނގަޅު ލޯގޯއެއް ހޮވާފައިވަނީ އެކަމަށް ކަނޑައަޅާފައިވާ ފަނޑިޔާރުންގެ ޕެނަލަކުންނެވެ. އަދި އެއް ވަނަ އަށް ހޮވުނު ލޯގޯއަކަށް 30,000ރ. ގެ ފައިސާގެ އިނާމެއް ދިނުމަށް ވަނީ ހަމަޖެހިފަ އެވެ.
މި ލޯގޯ ފަރުމާ ކުރުމުގައި އިސްލާމްދީނާއ،ި ދިވެހިބަހާއ،ި ސަގާފަތާއ،ި ދިވެހި ތަރިކަ ރަމްޒުކޮށްދިނުމާއ،ި ދިވެހިވަންތަކަމާއި ދިވެހި ބިމުގައި ދިވެހީންގެ ދައުލަތް މިނިވަންކަމާއެކު ދެމިއޮތުން ރަމްޒުކޮށްދޭން ޖެހޭނެ ކަމަށް އެ ވުޒާރާއިން މީގެކުރިން ކުރި އިއުލާނެއްގައި ބުނެފައިވެ އެވެ.
މި ލޯގޯ މިއަހަރު ނިޔަލަށް ދައުލަތުގެ ލިޔެކިއުންތަކުގައި ބޭނުންކުރުމަށް ވަނީ ހަމަޖެހިފަ އެވެ.