ރާއްޖޭގައި ހަލާލް ޓޫރިޒަމް ތަރައްގީ ކުރުމަށް ގިނަ ރަށްތަކެއް ކަނޑައެޅުމަށް ނިންމާފައިވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ރާއްޖޭގެ ފަތުރުވެރިކަމުގެ ސިނާއަތަކީ މުޅި ދުނިޔޭގައި މަޝްހޫރު ސިނާއަތެއް ކަމަށާއި އެއީ ދެމެހެއްޓެނިވި، ފަތުރުވެރިންގެ ތަޖުރިބާ އަދި މެހެމާންދާރީގެ ރޮނގުން މިސާލެއް ކަމަށެވެ. އަދި ރާއްޖޭގެ އަމާޒު މިހާރު ހުރީ ޙަލާލް ފަތުރުވެރިކަމުގެ ދާއިރާގައި ކުރިއަރާފައިވާ ގައުމަކަށް ވުމަށް ކަމަށް ރައީސް ވިދާޅުވި އެވެ.
Our tourism industry is one that is renowned across the world. We remain a model for sustainability, visitor experience and hospitality. Now, we aim to embark on being a leader and a benchmark in Halal Tourism.
I am happy to announce that the government will be designating…
— Dr Mohamed Muizzu (@MMuizzu) June 27, 2025
ޙަލާލް ފަތުރުވެރިކަން ތަރައްޤީ ކުރުމަށް ޚާއްޞަކޮށް ގިނަ ރަށްތަކެއް ސަރުކާރުން ކަނޑައަޅާނެ ކަމަށާއި މިއާއެކު އިންވެސްޓަރުންނަށް ބޮޑެތި އިނާޔަތްތަކެއް ލިބިދެވޭނެ ކަމަށް ރައީސް ވިދާޅުވި އެވެ. މިއީ ރާއްޖޭގެ އުފެއްދުންތައް އިތުރަށް ތަނަވަސްކޮށް ފުރިހަމަ ކުރުމަށް އެހީތެރިވެދޭނެ ކަމެއް ކަމަށްވެސް ވިދާޅުވި އެވެ.
ރައީސް ވަނީ އަންނަ ހަފްތާގައި ޓޫރިޒަމް މިނިސްޓްރީން މިކަމާ ގުޅޭ ޕްލޭންގެ ތަފްސީލްތައް އިއުލާން ކުރާނެ ކަމަށް ވިދާޅުވެފަ އެވެ. އަދި ރާއްޖެއަކީ އިންވެސްޓްމަންޓަށް ތައްޔާރަށް އޮތް، އަދި ދުނިޔޭގެ ހުރިހާ ކަންކޮޅުތަކުން އިންވެސްޓަރުން މަރުހަބާ ކިޔުމަށް ތައްޔާރަށް އޮތް ގައުމެއް ކަމަށްވެސް ރައީސް ވިދާޅުވި އެވެ.