ރާއްޖޭގެ މައި އެއާޕޯޓް ކަމަށްވާ ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލްގައި ފަސް ވަގުތު ބަންގީގެ އަޑު އިވޭ ގޮތަށް ހަމަޖެއްސުމާ ގުޅިގެން ރާއްޖޭގެ ދީނީ އިލްމުވެރިންތަކެއް އެ ނިންމުމަށް މަރުހަބާ ވިދާޅުވެއްޖެ އެވެ.
ނަމާދު ވަގުތުތަކުގެ ބަންގި އާ ޓާމިނަލްގައި އިވޭ ގޮތަށް އިއްޔެ އަސްރު ވަގުތުން ފެށިގެން ރައީސް ޑރ. މުހައްމަދު މުއިއްޒު އިއުލާން ކުރެއްވީ އިއްޔެ އެވެ.
އާ ޓާމިނަލްގައި ބަންގީގެ އަޑު އިވޭގޮތް ހެއްދެވިކަމަށްޓަކައި ރައީސް @MMuizzu އަށް ޝުކުރު ދަންނަވަން. ބަންގި އަކީ އިސްލާމީ ހިދާޔަތު ރަމްޒުކޮށްދޭ ވަރަށް މަތިވެރި ޝިޢާރެއް.
— Mohamed Shaheem Ali Saeed (@Mohamedshaheem1) July 27, 2025
އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު އެކަމަށް ޝުކުރު ދަންނަވައި ވިދާޅުވީ ބަންގި އަކީ އިސްލާމީ ހިދާޔަތު ރަމްޒުކޮށްދޭ ވަރަށް މަތިވެރި ޝިޢާރެއް ކަމަށެވެ.
ދިވެހިރާއްޖޭގެ މައިދޮރޯށިކަމުގައިވާ ވެލާނާ އިންޓަރނޭޝަލް އެއާޕޯޓުގައި ފަސްވަގުތު ބަންގީގެ އަޑު އިވޭގޮތަށް ރައީސުލް ޖުމުހޫރިއްޔާ ޑރ މުޢިއްޒު ހަމަޖެއްސެވުމީ މި ޤައުމުގެ އިސްލާމީ ވަންތަކަން ހާމަކޮށް ދެއްވުމަށް އެޅުއްވި ވަރަށް މުހިންމު ފިޔަވަޅެއްކަމުގައި ދެކެން! ޝުކުރިއްޔާ!@MMuizzu pic.twitter.com/Jr2oB2YLSF
— Ahmed Sameer (@Ahmadhsameer) July 27, 2025
ޝެއިހް އަހުމަދު ސަމީރު ވިދާޅުވީރާއްޖޭގެ މައިދޮރޯށި ކަމަށްވާ ވެލާނާ އިންޓަނޭޝަލް އެއާޕޯޓުގައި ފަސްވަގުތު ބަންގީގެ އަޑު އިވޭގޮތަށް ރައީސުލް ޢިއްޒު ހަމަޖެއްސެވުމީ މި ޤައުމުގެ އިސްލާމީ ވަންތަކަން ހާމަކޮށް ދެއްވުމަށް އެޅުއްވި ވަރަށް މުހިންމު ފިޔަވަޅެއް ކަމުގައި ދެކެވަޑައިގަންނަވާ ކަމަށެވެ.
މާ ޝާ ﷲ! ވަރަށް ރަނގަޅު ނިންމުމެއް… 🫡 https://t.co/1VaDLviea4
— Shafeeu Abdullah (@shafeeu26) July 27, 2025
މީގެ އިތުރުން ޝެއިގް ޝަފީއު އަބްދުﷲ ވެސް ވިދާޅުވީ ރައީސްގެ އެ ނިންމެވުމަކީ ވަރަށް ރަނގަޅު ނިންމުމެއް ކަމަށެވެ.