ރަޝިއާ ސަރަހައްދަށް މިއަދު އައި ވަރުގަދަ ބިންހެލުމަކާ ގުޅިގެން ބައެއް ގައުމުތަކަށް ސުނާމީގެ އިންޒާރު ނެރެފި އެވެ.
މިއަދު ހެނދުނު ރިކްޓާ މިންގަނޑުން 8.8 ބާރުމިނުގައި ބިންހެލުން އައިސްފައި ވަނީ ރަޝިއާގެ ކަމްޗަޓްކާ ސަރަހައްދަށެވެ.
އެ ސަރަހައްދށް ބޮޑެތި ގެއްލުންތަކެއް ލިބުނު މި ބިންހެލުމާ ގުޅިގެން ސުނާމީގެ އިންޒާރު ނެރެފައިވާ ގައުމުތަކުގެ ތެރޭގައި ޖަޕާން، ޗައިނާ، ފިލިޕިންސް، އިންޑޮނީޝިއާ، އިކުއެޑޯ، ކޮސްޓަ ރިކާ އަދި އެމެރިކާ ހިމެނެ އެވެ. މީގެ ތެރެއިން ބައެއް ތަންތަނަށް މިހާރު ސުނާމީ އަރަން ފަށާފައިވާ ކަމަށް ވެސް މީޑިއާތަކުން އަންނަނީ ރިޕޯޓް ކުރަމުންނެވެ.
Due to a massive earthquake that occurred in the Pacific Ocean, a Tsunami Warning is in effect for those living in Hawaii. A Tsunami Watch is in effect for Alaska and the Pacific Coast of the United States. Japan is also in the way. Please visit https://t.co/wdFzeu1I0h for the…
— Donald J. Trump (@realDonaldTrump) July 30, 2025
ބިންހެލުމާ ގުޅިގެން ދިން ސުނާމީގެ އިންޒާރާ އެކު 13 އެއްހާ ފޫޓް އުސްމިނުގައި ރާޅުއަރާނެ ކަމަށް ލަފާކޮށްފައިވެ އެވެ.
އެހެންވެ ސުނާމީ އިންޒާރު ނެރުނު ގައުމުތަކުން އަންނަނީ މިކަމަށް މިހާރު ވަރަށް ބޮޑަށް ތައްޔާރުވަމުންނެވެ.