"ގައުމީ ނިއުސް އެޖެންސީ" އެއް އުފައްދަން އެއްބަސްވުމެއްގައި ސޮއިކޮށްފި އެެވެ.
މި އެއްބަސްވުން މިއަދު ހަދާފައި ވަނީ ޔޫތު މިނިސްޓްރީ އާއި ދައުލަތުގެ މީޑިއާ، ޕީއެސްއެމާ ދެމެދު އެވެ. އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު އިބްރާހީމް ވަހީދެވެ. ޕީއެސްއެމްގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހީމް ނަސްރީނެވެ.
މި އެއްބަސްވުމުގެ ދަށުން ގާއިމުކުރާ ނިއުސް އޭޖެންސީގެ ތެރެއިން މީޑިއާގެ ދާއިރާގައި މަސައްކަތްކުރާ ފަރާތްތަކަށް ބޭނުންވާ ޚަބަރާއި މަޢުލޫމާތު ޑިޖިޓަލް ޕޯޓަލެއްގެ ތެރެއިން ލިބޭނެ އިންތިޒާމު ހަމަޖައްސައި ދޭނެ އެވެ.
މި ހިދުމަތަކީ، ރަޖިސްޓްރީކުރާ ފަރާތްތަކަށް ހަމަޖެހިފައިވާ އުސޫލުން ހަބަރާއި މައުލޫމާތު، އަދި އެކަމަކާ ގުޅޭ ފޮޓޯ އާއި ވީޑިއޯ ފަސޭހަކަމާއެކު ލިބިގެން ދާނެ ހިދުމަތެކެވެ.
ޕްލެޓްފޯމް މެދުވެރިކޮށް ދެވޭ ޙިދުމަތް ފޯރުކޮށް ދެވޭނީ މިނިސްޓްރީއާ ގުޅިގެން އެތަނުގެ ބައިވެރިވުން އޮންނަ ގޮތަށެވެ.