އިސްލާމްދީނަކީ ދިވެހިންގެ ނަސީބުގެ އެއް އަސްލު ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރާއްޖެ އިސްލާމުވި ދުވަހާއި ގުޅިގެން އެކްސްގައި ކުރެއްވި ޕޯސްޓެއްގައި ނަޝީދު ވިދާޅުވީ ރާއްޖެއަށް އިސްލާމްދީނުގެ ހިދާޔަތު ފެތުރުނީ ގިނަ ދުވަސްތަކެއްގެ މަސައްކަތުން ކަމަށެވެ. އަދި މިއަދު ފާހަގަކުރަނީ ރަދުންނާއި ވެރިރަށް މާލެ، އިސްލާމްދީން ގަބޫލުކުރި ދުވަސް ކަމަށް ނަޝީދު ވިދާޅުވި އެވެ.
"އިސްލާމްދީނަކީ ދިވެހިންގެ ނަސީބު، އެމުނި އެކުލެވުމުގެ އެއް އަސްލު،" ނަޝީދު ވިދާޅުވި އެވެ.
Dhivehi Raajje ah Islam dheenuge hidhaayathu fethurunee gina dhuvas thakehge masahkathun. Miadhu mi faahaga kuranee radhunnaai verirah Male’ Islam dheen gaboolu kulha dhuvas. Islam dheenakee Dhivehinge naseebu, emuni ekulevumuge eh aslu. Raajje Islam vi dhuvahuge thahniya…
— Mohamed Nasheed (@MohamedNasheed) September 24, 2025
ރާއްޖެ އިސްލާމުވި ދުވަހުގެ ގޮތުގައި ފާހަގަކުރަނީ ހިޖުރީ ސަނަތުން ކޮންމެ ރަބީޢުލްއާޚިރު މަހެއްގެ 2 ވަނަ ދުވަހެވެ.
އަންނަ އަހަރަކީ ރާއްޖެ އިސްލާމްވިތާ 900 އަހަރު ފުރޭ އަހަރު ކަމަށްވާއިރު، އެކަން ފާހަގަކުރަން އަންނަ އަހަރު ގިނަ ހަރަކާތްތަކެއް ހިންގާނެ ކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެފަ އެވެ.