މާލޭގެ ފިހާރައެއްގައި އަލިފާނުގެ ހާދިސާއެއް ހިނގައިފި އެވެ.
އަލިފާނުގެ ހާދިސާ ހިނގާފައިވަނީ ބާޒާރުމަތީ މަސްމާރުކޭޓު ކައިރީގައި ހުންނަ ލިލީ އެފް އެންޑް ބީ ސަޕްލަޔާޒް 1 ގަ އެވެ.
އެ ފިހާރައިގައި އަލިފާން ރޯވި ކަމުގެ މައުލޫމާތު އެމްއެންޑީއެފަށް ލިބުނީ ރޭ ދަންވަރު 1 ޖެހިއިރު ކަމަށްވާއިރު، އެމްއެންޑީއެފް ފަޔާ ޓީމުން ކުރި މަސައްކަތުން ރޭ ދަންވަރު 2:39 ހާއިރު ވަނީ އަލިފާން ނިއްވާލައިފަ އެވެ.
މި ހާދިސާ ހިނގަން މެދުވެރިވި ސަބަބެއް އަދި މި ހާދިސާގައި ލިބުނު ގެއްލުމެއް އެނގިފައެއް ނުވެ އެވެ.