އައްޑޫގައި ބެޑްމިންޓަން އަމްޕަޔަރުންގެ ކޯހެއް

އައްޑޫގައި ބެޑްމިންޓަން އަމްޕަޔަރުން ނުވަތަ ރެފްރީން ތަމްރީނު ކުރުމުގެ ކޯހެއް ބާއްވަން ނިންމައި، ބައިވެރިވާން ހުޅުވާލައިފި އެވެ.

ސްޕޯޓްސް މިނިސްޓްރީ އާއި އައްޑޫ ސިޓީ ކައުންސިލް ގުޅިގެން އިންތިޒާމުކުރާ މި ކޯސް ކުރިއަށް ގެންދަން ނިންމާފައި ވަނީ މި މަހުގެ 12-20 އަށް ހިތަދޫގަ އެވެ.

އެހެންވެ ބައިވެރިވާން ޝައުގުވެރިވާ މީހުންނަށް ރަޖިސްޓްރީވުމުގެ ފުރުސަތު މި މަހުގެ 12 ވަނަ ދުވަހުގެ މެންދުރު 12:00 އާ ހަމައަށް ވަނީ ހުޅުވާލައިފަ އެވެ.

އައްޑޫގައި ބެޓްމިންޓަން އަމްޕަޔަރުންގެ ކޯހަކަށް ހުޅުވައިލި އިރު، މި މަހުގެ ތެރޭގައި އައްޑޫގައި "ބެޑްމިންޓަން ފިއެސްޓާ" އެއް ވެސް ބާއްވަން ކައުންސިލުން އަންނަނީ ތައްޔާރުވަމުންނެވެ. އޭގައި ބައިވެރިވާން ދިން ސުންގަޑި މިއަދު މެންދުރު ފަހު 2:00 އަށް ހަމަވާނެ އެވެ.

އައްޑޫގައި ބެޓްމިންޓަން ފިއެސްޓާއެެއް ބާއްވަން ނިންމި އިރު، ބެޑްމިންޓަން އަކީ އައްޑޫގެ އެކި އުމުރުފުރާތަކުގެ މެދުގައި މިހާރު ވަރަށް މަގުބޫލު ކުޅިވަރަކެވެ. އަދި އެ ކުޅިވަރުގެ އެކިއެކި މުބާރާތްތައް ވެސް ބާއްވަމުން އަންނަކަން ފާހަގަކޮށްލެވެ އެވެ.