ނަފްސާނީ ދުޅަހެޔޮކަމަކީ އިންސާނާ އަށް އަސާސީ ހައްގެއް ކަމަށް ރައީސް ޑރ.މު ހައްމަދު މުއިއްޒު ވިދާޅުވެއްޖެ އެވެ.
މިއަދު ފާހަގަކުރާ ދުނިޔޭގެ ނަފްސާނީ ދުޅަހެޔޮކަމުގެ ދުވަހާ ގުޅިގެން ސޯޝަލް މީޑިއާގައި އެ މަނިކުފާނު ވިދާޅުވީ ނަފްސާނީ ދުޅަހެޔޮކަމަކީ ދިރިއުޅުމުގައި އިންސާނީ އެންމެ އަސާސީ ހައްޤުގެ ތެރޭގައި ހިމެނޭ ކަމެއް ކަމަށާއި އެ ހައްޤު ކަށަވަރުކޮށް ދިނުމަށް ސަރުކާރުން އަބަދުވެސް މަސައްކަތް ކުރާނެ ކަމަށެވެ.
ނަފްސާނީ ދުޅަހެޔޮކަމުގެ ދުވަހުގެ ޝިއާރު ކަމަށްވާ "އިންސާނީ ކާރިސީ ހާލަތްތަކުގައި ނަފްސާނީ ދުޅަހެޔޮކަމުގެ މައްޗަށް" އަލިއަޅުވާލައްވައި ރައީސް ވިދާޅުވީ ކަ މި ޝިއާރަށް ދުނިޔޭގެ ފެންވަރުގައި ފިޔަވަޅު އަޅަން ގޮވާލާ ކަމަށެވެ. ހާއްސަކޮށް ފަލަސްޠީނުގެ ރައްޔިތުންނަށް، އެ މީހުންގެ ނަފްސާނީ ދުޅަހެޔޮކަމަށް ބޭނުންވާ އެހީތެރިކަން ވަރަށް ބޮޑަށް ބޭނުންވެފައިވާ ކމަަށް ވިދާޅުވި އެވެ.
On #WorldMentalHealthDay, we reaffirm mental health as a human right and a national priority, especially in times of crisis. This year’s theme, “Mental Health in Humanitarian Emergencies,” calls for urgent global action, particularly for the people of Palestine, where mental… pic.twitter.com/ob8MnBssGG
— Dr Mohamed Muizzu (@MMuizzu) October 10, 2025
އެހެންވެ ހުރިހާ ފަރާތްތަކަކުން ވެސް އެކަމަށް އިޖާބަދޭން ޖެހޭ ކަމަށް ވިދާޅުވި އެވެ.
ރައީސް ވިދާޅިވީ ނަފްސާނީ ދުޅަހެޔޮކަމަށް ސަރުކާރުން އިސްކަންދޭ އިރުމ އެ ދާއިރާ ހަރުދަނާކުރުމަށް ސަރުކާރުން ގިނަ މަސައްކަތްތަކެއް ކުރަމުން އަންނަ ކަމަށެވެ. އެގޮތުން މޫސުމީ، ޞިއްޙީ އަދި އިންސާނީ ކާރިސާ ފަދަ ކަންކަމުގައި ކުރިމަތިވާ ނަފްސާނީ ކަންކަމަށް އެހީތެރިވެވޭނޭހެން ކަންކަން ބައްޓަންކުރަމުން އަންނަކަން ފާހަގަކުރެއްވި އެވެ.
ކޮންމެ އަހަރެއްގެ ވެސް އޮކްޓޯބަރު 10 ފާހަގަކުރަނީ މެންޓަލް ހެލްތު ޑޭ ނުވަތަ ނަފްސާނީ ދުޅަހެޔޮކަމުގެ ދުވަހުގެ ގޮތުގަ އެވެ.