މާލޭގައި ހުންނަ ސަރުކާރުގެ ހޮސްޕިޓަލުތައް ހިމެނޭ ގޮތަށް ސިއްހީ ހިދުމަތް ދޭ ތަންތަނަށް ޒިޔާރަތްކުރާ ބަލި މީހުންނާއި އެހީތެރިންނަށް މަރުހަބާ ކިޔައި އެހީވާން އިތުރު 50 މުވައްޒަފުން ހޯދަން އައިޖީއެމްއެޗުން މިއަދު އިއުލާންކޮށްފި އެވެ.
އައިޖީއެމްއެޗުން މިއަދު ކުރި އިއުލާނެއްގައި ބުނީ އެއީ އެ ހޮސްޕިޓަލާއި ދަރުމަވަންތަ ހޮސްޕިޓަލާއި، ވިލިމާލެ ހޮސްޕިޓަލު, ހުޅުމާލެ ހޮސްޕިޓަލު އަދި މޯލްޑިވްސް ބްލަޑް ސާވިސްގައި މަސައްކަތް ކުރަން ނަގާ 40 މުވައްޒަފުން ކަމަށެވެ.
މި މަހުގެ 21 ވަނަ ދުވަހާ ހަމައަށް އެ މަގާމަށް ކުރިމަތިލުމުގެ ފުުރުސަތު ހުޅުވާލައިފައިވާ އިރު ޝަރުތަކީ ދަށްވެގެން ގްރޭޑް 10 ނިންމާފައިވުމެވެ. މުސާރައަކީ މަހަކު 12،000ރ. އެވެ.
އެ މަގާމުގެ މަސްއޫލިއްޔަތުތަކުގެ ތެރޭގައި ހިދުމަތް ހޯދަން އަންނަ މީހުންނަށް ފުރިހަމަ މައުލޫމާތު ފޯރުކޮށްދިނުމާއި އަދި އެކިއެކި ފަރާތްތަކުގެ ހިޔާލު އެއްކޮށް ތަޖުރިބާތައް މޮނީޓާކުރުން ހިމެނެ އެވެ.