ކޮމެޑީ ރޯލުތަކުން ބެލުންތެރިންގެ ވަރަށް ބޮޑު މަގުބޫލު ކަމެއް ހޯދާފައިވާ އިންޑިއާގެ މަޝްހޫރު އެކްޓަރު އާސްރާނީ މަރުވެއްޖެ އެވެ.
މީޑިއާތަކުން ރިޕޯޓްކޮށްފައިވާ ގޮތުގައި އުމުރުން 84 އަހަރުގެ އެކްޓަރު މަރުވީ ސިއްހީ ހާލަތު ދެރަވެގެންް މުމްބާއީގެ އަރޯގިއާ ނިދީ ހޮސްޕިޓަލްގައި އެޑްމިޓްކޮށް ފަރުވާ ދެމުން ދަނިކޮށް އިއްޔެ ހަވީރު އެވެ. ރިޕޯޓްތައް ބުނާ ގޮތުން އުމުރުން ދުވަސްވުމުގެ ސަބަބުން ފާއިތުވި ދުވަސްތަކުގައި އާސްރާނީ އަށް ސިއްހީ ގިނަ މައްސަލަތައް ކުރިމަތިވެފައި އެވެ.
މިހާތަނަށް 350 އަށް ވުރެ ގިނަ ފިލްމުތަކުގައި މަސައްކަތްކޮށްފައިވާ އެކްޓަރު އެންމެ ފަހުން ފެނިފައި ވަނީ މިދިޔަ ސެލްޓެމްބަރު މަހު ގެނެސްދިން މަޝްހޫރު ބަތަލާ ކާޖޮލްގެ ސީރީޒް "ދަ ޓްރަޔަލް" ގެ ސީޒަން ދޭކުންނެވެ.
Speechless with grief at the passing of Asrani ji. We had just shared the warmest of hugs just a week back at the shoot of Haiwaan. Bahot pyare insaan the…he had the most legendary comic timing. From all my cult films Hera Pheri to Bhagam Bhag to De Dana Dan, Welcome and now our… pic.twitter.com/yo7wXnGO1Z
— Akshay Kumar (@akshaykumar) October 20, 2025
ހިންދީ ފިލްމުތަކުގެ އިތުރުން ގުޖްރާތީ ސިނަމާގައި ވެސް މަސައްކަތްކޮށްފައިވާ އާސްރާނީގެ ހިންދީ ފިލްމުތަކުގެ ތެރެއިން 1975 ގެ "ޝޯލޭ" ގައި އޭނަ ކުޅުނު މަޖާ ޖަލު އޮފިސަރުގެ ރޯލަކީ އާންމުންގެ ވަރަށް ބޮޑު ސަޕޯޓެއް ލިބުނު ރޯލެކެވެ.
އާސްރާނީ އަކީ އެކްޓަރެއްގެ އިތުރުން ޑައިރެކްޓަރެއް ވެސް މެ އެވެ. އޭނަ ޑައިރެކްޓްކުރި ފިލްމުތަކުގެ ތެރޭގައި 1979 ގެ "ސަލާމް މޭމްސާބް"، 1992 ގެ "ދިލް ހީ ތޯ ހޭ" އަދި 1997 ގެ "އުޅާން" ހިމެނެ އެވެ.
އާސްރާނީގެ މަރާ ގުޅިގެން ވަރަށް ގިނަ ބަޔަކު އަންނަނީ ސޯޝަލް މީޑިއާގައި ހިތާމަފާޅު ކުރަމުންނެވެ. އެގޮތުން ފިލްމީ ފަންނާނުންގެ އިތުރުން އިންޑިއާގެ ބޮޑުވަޒީރު ނަރެންދުރަ މޯދީ ވެސް އާސްރާނީގެ ހަނދާންތައް ސޯޝަލް މީޑިއާގައި އާކުރައްވާފައިވެ އެވެ.