އައްޑު އަށް 1.6 މެގަވޮޓްގެ ޖަނަރޭޓަރެއް ފޮނުވައިފި

އައްޑޫ ސިޓީއަށް ދިމާވެފައިވާ ކަރަންޓުގެ މައްސަލަ ހައްލުކުރުމުގެ ގޮތުން 1.6 މެގަވޮޓްގެ ޖަނަރޭޓަރެއް އައްޑުއަށް ފޮނުވައިފި އެވެ.

ފެނަކައިން ބުނީ އައްޑޫ އަށް ދިމާވެފައިވާ ކަރަންޓުގެ މައްސަލަ ހައްލުކުރުމުގެ ގޮތުން ގެނެވޭ ޖަނަރޭޓަރުތަކުގެ ތެރެއިން، 1.6 މެގަވޮޓް ގެ ޖަނަރޭޓަރު ހިފައިގެން ދިޔަ އުޅަނދު ފޭދޫ ބަނދަރަށް ވަދެފައިވާ ކަމަށެވެ. އަދި ޖަނަރޭޓަރު ބޭލުމުގެ މަސައްކަތް މިއަދު ހެނދުނަށް ތާވަލުކުރެވިފައިވާ ކަމަށް ފެނަކައިން ބުންޏެވެ.

ކަރަންޓުގެ މައްސަލަ ހައްލުކުރަން 1.6 މެގަވޮޓްގެ ޖަނަރޭޓަރެއް އައްޑުއަށް ފޮނުވާފައިވާއިރު، 1.8 މެގަވޮޓްގެ ދެ ޖެނެރޭޓަރު އައްޑުއަށް ފޮނުވުމަށް ވެސް ފެނަކައިން ވަނީ ނިންމާފަ އެވެ.

ފެނަކައިން ބުނީ އައްޑުއަށް މެދުނުކެނޑި ކަރަންޓު ދިނުމަށް ކުރަމުންދާ މަސައްކަތުގެ ތެރެއިން އިތުރު ޖެންސެޓެއް ހޯދުމުގެ މަސައްކަތް ވެސް ކުރަމުންދާ ކަމަށެވެ. އަދި އައްޑުއަށް ދިމާވެފައިވާ ކަރަންޓުގެ މައްސަލައަށް ދާއިމީ ހައްލެއް ހޯދުމުގެ މަސައްކަތް ކުރަމުންދާ ކަމަށް ފެނަކައިން ބުނެ އެވެ.