އިމިގްރޭޝަނަށް ގިނަ އަދަދެއްގެ މުވައްޒަފުން ހޯދަން އަނެއްކާ ވެސް އިއުލާންކޮށްފި އެވެ.
އެތަނުން ބުނީ އެސިސްޓަންޓް އިމިގްރޭޝަން އޮފިސަރުގެ މަޤާމަށް 70 މުވައްޒަފުން ބޭނުންވާ ކަމަށެވެ.
އެހެންވެ ވަޒީފާތަކަށް ޝައުގުވެރިވާ މީހުންނާ އިންޓަވިއު ކުރަން އަންނަ މަހުގެ 1 ގައި ހުޅުމާލޭގެ ފޭސް ދޭއްގެ ސަލާހުއްދީން ސްކޫލްގައި ބާއްވަން ވަނީ ނިންމައިފަ އެވެ. އެއީ އެ ދުވަހުގެ ހެނދުނު 8:30 އިން ހަވީރު 4:30 އަށެވެ.
އިމިގްރޭޝަނުން މި އަހަރުގެ މެއި މަހުގެ ތެރޭގައި ވެސް 50 ވަޒީފާގެ ފުރުސަތަށް ހުޅުވާލި އެވެ.