ކުރިއަށް އޮތް 10 އަހަރަށް އިންޑިއާ އާއި އެމެރިކާއާ ދެމެދު ދިފާއީ ގުޅުން ވަރުގަދަ ކުރަން ފްރޭމްވޯކް އެއްބަސްވުމެއްގައި ސޮއިކޮށްފި އެވެ.
މި އެެއްބަސްވުމުގައި ދެ ގައުމުން ސޮއިކޮށްފައި ވަނީ މިއަދު މެލޭޝިއާގެ ވެރިރަށް ކުއާލާ ލަމްޕޫރްގައި އޮތް ބައްދަލުވުމެއްގެ ހަވާސާގެ ތެރެއިންނެވެ. އެގޮތުން އިންޑިއާގެ ފަރާތުން އެއްބަސްވުމުގައި ސޮއިކުރެއްވީ ޑިފެންސް މިނިސްޓަރު ރާޖްނާތު ސިންގެވެ. އެމެރިކާގެ ފަރާތުން ސޮއިކުރެއްވީ އެ ގައުމުގެ ޑިފެންސް ސެކްރެޓަރީ ޕީޓް ހެގްސެތެވެ.
I just met with @rajnathsingh to sign a 10-year U.S.-India Defense Framework.
This advances our defense partnership, a cornerstone for regional stability and deterrence.
We're enhancing our coordination, info sharing, and tech cooperation. Our defense ties have never been… pic.twitter.com/hPmkZdMDv2
— Secretary of War Pete Hegseth (@SecWar) October 31, 2025
ދެ ގައުމުގެ މެދުގައި ދިފާއީ ގުޅުން ވަރުގަދަ ކުރަން ސޮއިކުރި އެއްބަސްވުމާ ގުޅޭ ގޮތުން ހެގްސެތު އެކްސް ޕޯސްޓެއްގައި ވިދާޅުވީ މިއީ ގުޅިގެން މަސައްކަތް ކުރުމާއި ސަރަހައްދުގެ ހަމަޖެހުމާއި ރައްކާތެރިކަމަށް އެޅޭ މުހިއްމު ފިޔަވަޅެއް ކަމަށެވެ.
ރާޖްނާތު ވެސް ވިދާޅުވީ އިންޑިއާ އާއި އެމެރިކާ އަކީ އަބަދު ވެސް ޒަމާންވީ ގާތް ގުޅުމެއް އޮންނަ ދެ ގައުމު ކަމަށާއި ވަކިން ހާއްސަކޮށް ދިފާއީ ގޮތުން ދެ ގައުމުގެ މެދުގައި އޮންނަނީ ވަރަށް ވެސް ބަދަހި ގުޅުމެއް ކަމަށެވެ. އަދި އެކަން އަބަދު ވެސް އެގޮތަށް ދެމިއޮންނާނެ ކަމަށް ވެސް ވިދާޅުވި އެވެ.
Had a fruitful meeting with my US counterpart @SecWar Peter Hegseth in Kuala Lumpur. We signed the 10 years ‘Framework for the US-India Major Defence Partnership’. This will usher in a new era in our already strong defence partnership.
This Defence Framework will provide policy… pic.twitter.com/IEP6Udg9Iw
— Rajnath Singh (@rajnathsingh) October 31, 2025
އެމެރިކާއާ އެކު އިންޑިއާ ދިފާއީ ގުޅުން ވަރުގަދަ ކުރަން އެއްބަސްވުމެއްގައި ސޮއިކޮށްފައި މި ވަނީ އެ ގައުމުން އެމެރިކާ އަށް އެތެރެކުރާ މުދަލުން ނަގާ ޓެރިފް 50 ޕަސެންޓަށް ބޮޑުކޮށްފައިވާތީ އެކަމުގެ ނުތަަވަސްކަން ވެރިފައި އޮތް ދަނޑިވަލެއްގަ އެވެ.
އެމެރިކާ އިން ދަނީ ރަޝިއާ އިން ތެލާއި ހަތިޔާރު ގަތުން ހުއްޓުވުމަށް ވެސް އިންޑިއާ އަށް ފިއްތުންތައް ކުރިމަތި ކުރަމުންނެވެ.