ރާއްޖޭގައި އިންވެސްޓްމަންޓްކޮށްގެން ދިރިއުޅެވޭ ގޮތަށް ހިންގަން ނިންމާފައިވާ 'ރެޒިޑެންސީ ބައި އިންވެސްޓުމަންޓް ޓު ޕްރޮގްރާމް" އަންނަ އަހަރު ފަށާނެ ނިންމައިފި އެވެ.
މިކަން އިޢުލާންކޮށްފައިވަނީ ލަންޑަނުގައި މިހާރު ކުރިއަށްދާ 19 ވަނަ ގްލޯބަލް ސިޓިޒަންޝިޕް ކޮންފަރެންސްގައި އިކޮނޮމިކް މިނިސްޓަރު މުޙައްމަދު ސަޢީދެވެ.
މިކަމާ ގުޅޭ ގޮތުން ސޯޝަލް މީޑިއާ ޕީސްޓެއްގައި އޭނަ ވިދާޅުވީ "ދަ މޯލްޑިވްސް ޕާލް ރެޒިޑެންސް" ގެ ނަމުން ނަން ދެވިފައިވާ ރެޒިޑެންސީ ބައި އިންވެސްޓުމަންޓު ޕްރޮގްރާމަކީ ރާއްޖޭހގެ އިގުތިސާ ސިންދަފާތުކޮށް ދެމެހެއްޓެނިވި ގޮތެއްގައި ކުރިއަރުވަން ރައީސުް ޑރ. މުޙައްމަދު މުޢިއްޒު ގެންގުޅުއްވާ ތަސައްވަރުގެ ދަށުން ކުރެވޭ ވަރަށް މުހިއްމު މަސައްކަތެއް ކަމަށެވެ.
ސައީދު ވިދާޅުވ ރާއްޖެއަށް އިތުބާރާ އެކުއިންވެސްޓުމަންޓުތައް ގެނައުމަށް އެޅޭ މުހިއްމު ފިޔަވަޅެއް ކަމަށާއި، އީޖާދީ، ދެމެހެއްޓެނިވި އަދި ދިގު މުއްދަތަކަށް ދެމިގެންދާ އިންވެސްޓުމަންޓުތައް ރާއްޖެއަށް ގެނައުމުުގެ ފުރުސަތު މި ޕްރޮގްރާމުގެ ސަބަބުން ފަހިވާނެ ކަމަށެވެ.
Minister @em_saeed has formally introduced The Maldives Pearl Residence, the Maldives’ forthcoming Residency-by-Investment program, at the 19th Global Citizenship Conference in London.
This initiative aligns with President Dr. Mohamed Muizzu’s vision for economic diversification… pic.twitter.com/xJDKDFk5w7
— Ministry of Economic Development and Trade (@MoEDmv) November 5, 2025
މި މއަހަރުގެ ޖުލައިގައި ރައީސް ސިންގަޕޫރަށް ކުރެއްވި ދަތުރުގެ ތެރޭގައި 'ރެޒިޑެންސީ ބައި އިންވެސްޓްމަންޓް ޕްރޮގްރާމް" ކުރިއަށް ގެންދަން ސަރުކާރާއި ހެންލީ އެންޑް ޕާޓްނާސްއާ ދެމެދު އެއްބަސްވުމެއް އެކުލަވާލާފައި އެވެ. މިއީ ދިގު މުއްދަތު އިންވެސްޓް ކުރުމުން ރާއްޖޭގައި ވަޒަންވެރިވުމަށް ފުރުޞަތު ލިބޭ ޕްރޮގްރާމެކެވެ.
ހެންލީ އެންޑް ޕާޓްނާސް އަކީ މިފަދަ ކަންކަމުގައި ދުނިޔޭގެ ފެންވަރުގައި ފާހަގަކޮށްލެވޭ ކުންފުންޏެވެ. އެގޮތުން މި އެއްބަސްވުމުގެ ސަބަބުން ރިއަލް އެސްޓޭޓް އިންވެސްޓްމަންޓްގެ ފުރުޞަތުތައް ހުޅުވި، ދިރިއުޅެން އަދި އިންވެސްޓްކުރަން އެންމެ ރަނގަޅު ރަށްތަކުގެ އިޤްތިޞާދެއްގެ ގޮތުގައި ދިވެހިރާއްޖެ ފާހަގަކުރެވޭނެ ކަމަށް ސަރުކާރުން ބުނެ އެވެ.