ހަނިމާދޫ އިންޓަނޭޝަނަލް އެއާޕޯޓަކީ ވިއްކަން ހެދި ފައްޓަރު ބައެއް ނޫން ކަމަށް އެމްއޭސީއެލްގެ މެނޭޖިން ޑިރެކްޓަރު އިބްރާހީމް ޝަރީފް މުހައްމަދު ވިދާޅުވެއްޖެ އެވެ.
ހަނިމާދޫ އެއާޕޯޓު ހުޅުވުމަށް ރޭ ބޭއްވި ރަސްމިއްޔާތުގައި ވާހަކަދައްކަވަމުން ޝަރީފް ވިދާޅުވީ ހަނިމާދޫ އެއާޕޯޓަކީ އެތައް ސަތޭކަ އަހަރެއް ވަންދެން ބޮޑުތިލަދުންމަތި ދުށް ގަދީމީ ހުވަފެނެއް ކަމަށާއި އެ އެއާޕޯޓަކީ އުތުރުގެ ތަރައްގީގެ ތަޅުދަނޑި ކަމަށެވެ. އަދި އެއާޕޯޓު ހުޅުވުމާއެކު އެތައް ހާސް ވަޒީފާއެއް އުފެދި، ބޭރު ފައިސާގެ މަންފާ ވަރަށް ބޮޑަށް އިތުރުވެގެންދާނެ ކަމަށާއި އެއީ މުސްތަގްބަލަށް ހުޅުވިގެންދިޔަ ދޮރޯއްޓެއް ކަމަށް ވިދާޅުވި އެވެ.
"މިއީ އަޅުގަނޑުމެން ވިއްކަން ހެދި ފައްޓަރު ބައެއް ނޫން. މި ޖަވާހިރުން އަޅުގަނޑުމެން ބިނާކުރާނީ މާ އުފާވެރި މުސްތަގުބަލެއް. މާ އުފާވެރި ބޮޑުތިލަދުންމައްޗެއް،" ޝަރީފް ވިދާޅުވި އެވެ.
ޝަރީފް ވިދާޅުވީ، ހަނިމާދޫ އެއާޕޯޓު ހުޅުވުމާއެކު ފަތުރުވެރިކަމުގެ ސިނާއަތަށް އޭގެ ހެޔޮ އަސަރު ކުރާނެ ކަމަށެވެ. އެގޮތުން، ކައިރި މުސްތަގްބަލެއްގައި ހަނިމާދޫ އެއާޕޯޓުން އަހަރަކު 1.5 މިލިއަން ފަތުރުވެރިން ރާއްޖެ އެތެރެވާން ފަށާނެ ކަމަށް އުއްމީދު ކުރައްވާ ކަމަށް އޭނާ ވިދާޅުވެފައިވެ އެވެ.
މީގެ އިތުރުން، ހަނިމާދޫ އެއާޕޯޓަކީ އިޤްތިޞާދީ ތަރިކައިގެ އެންމެ އުސް އެއް ކުރިބޯށި ކަމުގައި ފާހަގަކުރައްވައި، އެއީ ބޮޑުތިލަދުންމައްޗަށް އުފާވެރިކަން ގެނެސްދޭނެ "ޖަވާހިރެއް"ގެ ގޮތުގައި ޝަރީފް ސިފަކުރެއްވި އެވެ. އަދި އެ އެއާޕޯޓު އޭގެ ހައިބަތުގައި މުސްތަގްބަލަށް ގެންދިއުމަކީ ބޮޑުތިލަދުންމަތީ ރައްޔަތުންގެ ވާޖިބެއް ކަމަށް އޭނާ ވަނީ ވިދާޅުވެފަ އެވެ.