ހިތަދޫ އެމްސީ ޔުނައިޓެޑް ޖަމިއްޔާއިން އިއްޔެ ބޭއްވި "އެމްސީޔޫ ވަންޑޭ ވިމެން ފުޓްސަލް" މުބާރާތުގެ ތަށި ފޭދޫ ޔޫތު ކޮމިއުނިޓީ (އެފްވައިސީ)އިން އުފުލާލައިފިއެވެ.
ދެ ގްރޫޕަކަށް ބަހާލައިގެން އިއްޔެ މެންދު 2 ޖެހި އިރު ކުޅުން ފެށި މުބާރާތުގައި އައްޑޫގެ އެކި ރަށްތަކުން 6 ޓީމް ބައިވެރިވެފައިވެއެވެ.
އެގޮތުން މީދޫ އާއި މަރަދޫން 2 ޓީމް ބައިވެރިވި އިރު ހިތަދޫ، ފޭދޫއިން 1 ޓީމް ވަނީ ބައިވެރިވެފައެވެ.
15 މިނިޓްގެ ދެ ހާފް ކުޅޭ ގޮތަށް ކުރިއަށް ގެންދިޔަ މި މުބާރާތުގެ ސެމީގައި ވާދަ ކުރީ އެފްވައިސީ އާއި މަރަދޫ ގޯދިއްޔާއެއްވެ. އެފްވައިސީ ފައިނަލަށް ދިޔައީ ގޯދިއްޔާ ކޮޅަށް 7 ގޯލް ޖަހައިގެންނެވެ.
ފައިނަލްގައި މީދޫ ދޮންދީނި ޓީމް ބަލި ކުރީ 6-0 ލަނޑުންނެވެ.
މުބާރާތުގެ ފައިނަލް މެޗް ޝަރަފްވެރިކޮށް ޗެމްޕިއަން ޓީމަށް ތަށި ހަވާލުކޮށްދިނީ ފޭދޫ ދާއިރާގެ މަޖްލިސް މެމްބަރު އިބްރާހިމް ދީދީއެވެ.