އެއާ އިންޑިއާ އެކްސްޕްރެސްގެ ޕައިލެޓަކު އެއާޕޯޓްގައި ޕެސެންޖަރަކަށް ހަމަލާ ދިން މައްސަލައިގައި ސަސްޕެންޑްކޮށްފި އެވެ.
މީޑިއާތަކުން ބުނީ ނިއު ދިއްލީގެ އިންދިރާ ގާންދީ އިންޓަނޭޝަނަލް އެއާޕޯޓްގައި ހުކުރު ދުވަހު ހިނގި ހާދިސާއާ ގުޅިގެން ސަސްޕެންޑްކޮށްފައި ވަނީ އެއާ އިންޑިއާ އެކްސްޕްރެސްގެ ޕައިލެޓެއް ކަމަށްވާ ވިރެންދަރު ސެޖަވާލް ކަމަށެވެ.
ޕައިލެޓް ފަރާތުން އަނިޔާއާ ކުރިމަތިލާން ޖެހުނު އަންކިތު ދެވަން ބުނި ގޮތުގައި ޓާމިނަލް 1 ގައި އޮފް-ޑިއުޓީގައި ހުރި ޕައިލެޓް އޭނައާ ހުތުރު ބަހުން މުއާމަލާތްކޮށް، ގަޔަށް އަތްލައި މާރާމާރީ ހިންގީ އަންހެނުންނާއި 7 އަހަރުގެ ދަރިފުޅާއި ހަތަރު މަހުގެ ދަރިފުޅު ގޮވައިގެން ސްޕައިސް ޖެޓްގެ ބޯޓަކަށް ބޯޑިންވާން ދަނިކޮށް ކަމަށެވެ.
@ankitdewan We profoundly regret this incident at Delhi Airport, involving one of our employees who was traveling as a passenger on another airline. We extend our heartfelt empathy for the distress it has caused, and strongly condemn such behaviour. The concerned employee has…
— Air India Express (@AirIndiaX) December 19, 2025
އެގޮތުން ޕައިލެޓް މައްސަލަ ޖެއްސީ އެއާޕޯޓްގެ ސެކިއުރިޓީ ލޭން ބޭނުން ކުރުމުން ކަމަށާއި އެކަމަކު އެ ލޭން ބޭނުން ކުރީ އެއާޕޯޓްގެ އޮފިޝަލުންތަކެއް ހުއްދަ ދިިނުމުން ކަމަށް ބުންޏެވެ. ނަމަވެސް އެކަން މައްސަލައަކަށް ހަދައި ސްޓާފުން ބޭނުން ކުރާ ލޭން ބޭނުން ނުކުރެވޭނެ ކަމަށް ބުނެ ޒުވާބުކޮށް މޫނު މަތީގައި ޖަހައި ނޭފަތް ފަޅާލާފައިވާ ކަމަށް އަންކިތު ބުންޏެވެ.
އޭނަ މި ވާހަކަ ފޮޓޯތަކާ އެކު ސޯޝަލް މީޑިއާގައި ހިއްސާ ކުރުމުން ވަރަށް ގިނަ ބަޔަކު ޕައިލެޓަށް ފޔަވަޅު އަޅަން ގޮވާފައިވެ އެވެ. އަދި އެ މައްސަލަ އެއާ އިންޑިއާ އެކްސްޕްރެސގެ ސަމާލު ކަމަށް އައުމާ ގުޅިގެން އިއްޔެ ވަނީ ޕަައިލެޓް ވިރެންދަރު ސަސްޕެންޑްކޮށްފަ އެވެ.
The Ministry of Civil Aviation has taken serious cognizance of the incident and directed the airline to ground the pilot with immediate effect.
A formal enquiry has been ordered. Detailed reports have been sought from BCAS and CISF.— MoCA_GoI (@MoCA_GoI) December 20, 2025
އެ އެއާލައިނުން ނެރުނު ބަޔާނެއްގައި އި ބުނީ ޒިންމާތަކުން ޕައިލެޓް އެކަހެރިކޮށް އޭނަގެ މައްސަލަ މިހާރު ތަހުގީގު ކުރަމުން އަންނަ ކަމަށަވެ.