ބޯކޮށް ވާރޭ ވެހޭނެ ކަމަށް ލަފާކޮށް ރާއްޖޭގެ ދެކުނުގެ އަތޮޅުތަކަށް މިއަދު ނެރުނު ވައިޓް އެލާޓްގެ ވަގުތު އިތުރުކޮށްފި އެވެ.
މޫސުމާ ބެހޭ އިދާރާ އިން ބުނީ ތ. އަތޮޅުން ފެށިގެން އައްޑުއާ ހަމައަށް ހަވީރު 4:00 އާ ހަމައަށް ބޯކޮށް ވާރޭ ވެހޭނެ ކަމަށެވެ. އަދި ވިލާގަނޑުގައި ގަޑިއަކު 45 މޭލަށް ވައި ގަދަވާނެ ކަމަށް ވެސް ލަފާކޮށްފައިވެ އެވެ،
އެލާޓްގެ ވަގުތު މޫސުމާ ބެހޭ އިދާރާ އިން ދަންމައިލީ ފަތިހު 5:00 އިން ފެށިގެން 10:00 އަށް ނެރުނު އެލާޓްގެ ވަގުތު ހަމަވުމާ ގުޅިގެންނެވެ.
ރާއްޖޭގެ އެންމެ ދެކުނަށް ބަލާ އިރު ރެއިން ފެށިގެން މިއަދު ހެނދުނު 9:00 އާ ހަމައަށް ބޯކޮށް ވާރޭ ވެހިފައިވެ އެވެ. އަދި ވާރޭއާ އެކު ވައި ގަދަކަން ވެސް ފާހަގަކޮށްލެވެ އެވެ.