މުދަލު ޒަކާތުގެ ގޮތުގައި މިދިޔަ އަހަރު 107.2 މިލިއަން ރުފިޔާ ލިބިއްޖެ އެވެ.
މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ތަފާސްހިސާބުތަކަށް ބަލާއިރު މުދަލު ޒަކާތުގެ ގޮތުގައި މިދިޔަ އަހަރު ލިބުނު އަދަދު މިދިޔަ އަހަރަށް ވުރެ 4.8 ޕަސެންޓް އިތުރެވެ. މިދިޔަ އަހަރު މުދަލު ޒަކާތަށް ލިބުނީ 102.2 މިލިއަން ރުފިޔާ އެވެ.
މިހާރު މުދަލު ޒަކާތް ވާޖިބުވާ ނިސޯބަކީ 19،527.90ރ. އެވެ.
ރާއްޖޭގައި ޒަކާތުގެ ނިސޯބުގެ މިންވަރު ކަނޑައަޅަނީ ރިހީގެ އަގަށް ބަލައިގެން ކަމަށާއި ނިސާބުގެ މިންވަރު ކަނޑައެޅުމުގައި ފައިސާ ރިހިން އަގުކުރުމަކީ ރާއްޖެ ފަދަ ކުދި ގައުމުތަކުގައި ފަގީރުންނަށް އެންމެ ފައިދާ ބޮޑު ގޮތް ކަމުގައި އިލްމުވެރިން ވިދާޅުވާ ކަމަށް ވެސް ޒަކާތު ހައުސް އިން ބުނެ އެވެ.
ރާއްޖޭގައި މިހާރު އަހަރުން އަހަރަށް މުދަލުގެ ޒަކާތް ދައްކާ މީހުން އިތުރުވަމުން އަންނަ ކަމަށް ވެސް ޒަކާތު ހައުސް އިން ބުނެ އެވެ.