މި އަހަރުގެ އެފް އެންޑް ބީ ޝޯ ހުޅުމާލޭގައި ފަށައިފި އެވެ.
ސެންޓްރަލް ޕާކުގައި އިއްޔެ ހަވީރު ބޭއްވި މި ޝޯގެ 9 ވަނަ އެޑިޝަން ލޯންޗްކޮށް ދެއްވީ ފިޝަރީޒް މިނިސްޓަރު އަހުމަދު ޝިޔާމެވެ.
މި މަހުގެ 24 އަށް މި މައުރަޒު ކުރިއަށް ދާނެ އެވެ.
ހައިރައިޒުން އިންތިޒާމުކުރާ އެފް އެންޑް ބީ ޝޯ އަކީ، ކާބޯތަކެތީގެ ސިނާއަތުގައި މަސައްކަތްކުރާ ފަރާތްތަކާއި ވިޔަފާރިވެރިން އެއްތަނަކުން ބައްދަލުވެ، އެ ދާއިރާގެ އުފެއްދުންތެރިކަމާއި ފެންވަރު ދައްކާލުމަށް މަގުފަހިކޮށްދޭ މުހިންމު މަންސައެކެވެ.