ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ނަމުގައި އޮޅުވާލައިގެން އާންމުންގެ މައުލޫމާތު ހޯދާތީ ސަމާލުވާން އެ އެ ކުންފުނިން ޢިލްތިމާސްކޮށްފި އެވެ.
އެޗްޑީސީން ބުނީ އެތަނުގެ ނަމުގައި ވައިބާ އައި އެސްއެމްއެސް އަދި އާދައިގެ ފޯނު ކޯލުތައް މެދުވެރިކޮށް އާންމުންގެ މަޢުލޫމާތު ހޯދަމުން ދާ ކަމަށެވެ.
އެޗްޑީސީގެ ނަމުގައި އޮޅުވާލައިގެން ކުރާ ކޯލްތަކާއި މެސެޖުތަކަށް ސަމާލުވުމަށާއި، އެއްވެސް ފަރާތަކަށް އަމިއްލަ މައުލޫމާތު ނުވަތަ ފައިސާގެ މުއާމަލާތެއް ނުހިންގުމަށް އިލްތިމާސްކުރަން!#WithHDC pic.twitter.com/YOsnPMcu8e
— Housing Development Corporation (@hdcmaldives) January 24, 2026
ނަމަވެސް ހައުސިން މަޝްރޫޢުތަކާއި ސޯޝަލް ހައުސިންގނުވަތަ ފްލެޓްތަކާ ގުޅޭ އެއްވެސް މުއާމަލާތެއް ކުރުމަށް އެ ކުންފުނިން ވައިބާ ނުވަތަ އާދައިގެ ފޯނު ކޯލު މެދުވެރިކޮށް އާންމުންނަށް ނުގުޅާނެކަމުގެ ޔަޤީންކަން ދޭ ކަމަށް އެޗްޑީސީން ބުންޏެވެ. އެހެންވެ އެފަދަ ފޯނު ކޯލުތަކާއި މެސެޖްތަކަށް ސަމާލުވުމަށް ޢިލްތިމާސްކޮށްފައެވެ.
މީގެ ކުރިން ވެސް އެޗްޑީސީގެ ނަމުގައި ސްކޭމްތައް ހިންގާފައިވެ އެވެ.