ޖަމިޢިއްޔާ ޖަމާޢަތްތަކުގެ ހިންގުން ހަރުދަނާކޮށް، ލީޑޝިޕް ހުނަރުތައް ތަރައްގީ ކުރުމަށް ބާއްވާ ހާއްސަ ތަމްރީނު ޕްރޮގްރާމެއް އަންނަ މަހު ބާއްވަން ނިންމައިފި އެވެ.
މި ޕްރޮގްރާމު އޮންނާނީ އަންނަ ފެބްރުއަރީ މަހުގެ 3 ގަ އެވެ. "ޔޫތު ހަބް" ގައި ކުރިއަށް ގެންދާ ތަމްރީނު ޕްރޮގްރާމް ކުރިއަށް ގެންދާ ތަމްރީނު ޕްރޮގްރާމް އޮންނާނީ އެ ދުވަހުގެ ރޭ 8:00 އިން 10:00 އަށެވެ.
މީގައި ބައިވެރިވުމަށް ޝައުގުވެރިވާ ޖަމިއްޔާ ޖަމާއަތްތަކަށް ރަޖިސްޓްރީވުމުމުގެ ފުރުސަތު ހުޅުވާލާފައި ވަނީ އަންނަ މަހުގެ 2 ގެ މެންދުރު ފަހު 2:00 އާ ހަމައަށެވެ.
ޔޫތު މިނިސްޓްރީން ބުނީ މި ތަމްރީނު ޕްރޮގްރާމަކީ މަދަނީ ޖަމްޢިއްޔާތަކުގެ މަސައްކަތްތައް މިހާރަށް ވުރެ ހަރުދަނާކޮށް، ހިންގުމުގެ ދާއިރާގައި ހުރި ގޮންޖެހުންތަކުން އަރައި ގަތުމަށް ބޭނުންވާ މުހިންމު މަޢުލޫމާތާއި ހުނަރުތައް ފޯރުކޮށް ދޭނެ ޕްރޮގްރާމެއް ކަމަށެވެ.
.