ފައިނޭންސް ލީސް އުސޫލުގެ ދަށުން މޯލްޑިވިއަނަށް އޭޓީއާރް މަރުކާގެ އިތުރު ދެ ބޯޓު ހޯދަން އެ އެއާލައިން ހިންގާ އައިލެންޑް އޭވިއޭޝަން ސާވިސަސް ލިމިޓެޑް (އައިއޭއެސްއެލް) އިން އިއުލާންކޮށްފި އެވެ.
ހޯދަން ނިންމާފައި ވަނީ އޭޓީއާރު 600-42ގެ ދެ ބޯޓެވެ.
މި ދެ ބޯޓުގެ ތެރެއިން ފުރަތަމަ ބޯޓު މި އަހަރުގެ އޮގަސްޓް މަހު ފޯރުކޮށް ދޭން ޖެހޭއިރު ދެވަނަ ބޯޓު 2027 ގެ އޮކްޓޯބަރުގައި ފޯރުކޮށް ދޭން ޖެހެ އެވެ.
އެހެންވެ މިކަމަށް ޝައުގުވެރިވާ ފަރާތްތަކަށް މި މަހުގެ 12 އަށް ވަނީ ޕްރޮޕޯސަލް ހުށެޅުމުގެ ފުރުސަތު ހުޅުވާލައިފަ އެވެ.
މޯލްޑިވިއަންގައި މިހާރު ވެސް އޭޓީއާރް މަރުކާގެ 5 ބޯޓު އޮވެ އެވެ.
މޯލްޑިވިއަނުން މިހާރު އަންނަނީ އޭޓީއާރް ބޯޓްތަކުން އަތޮޅުތަކުގެ ރަށްރަށުގެ މެދުގައި ދަތުރުތައް ފުޅާކުރަމުންނެވެ.