މާލޭގެ ބަރުބަރީ މިސްކިތް މިއަދު ހުޅުވައިފި އެވެ.
މިއަދުގެ އަސްރު ނަމާދަށް އެ މިސްކިތް ހުޅުވައި ދެއްވީ ރައީސް ޑރ. މުހައްމަދު މުއިއްޒެވެ.
ތިން ބުރީގެ ބަރުބަރީ މިސްކިތަކީ 1400 މީހުންގެ ޖާގައިގެ މިސްކިތެކެވެ. މި މިސްކިތް މިއަދު ހުޅުވި އިރު، އެ މިސްކިތް ބިނާކުރަން އިސްލާމިކް މިނިސްޓްރީން އަމިއްލަ ފަރާތަކާ ހަވާލުކުރީ 2024 ގެ ޖެނުއަރީ މަހު އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެފައި ވަނީ މާލޭގައި ހުރި ބާ މިސްކިތްތަކުގެ ބަދަލުގައި އައު މިސްކިތްތައް ބިނާ ކުރަން އަމާޒު ހިފާފައިފައިވާ ކަމަށެވެ.