މީގެ ހަ ދުވަސް ކުރިން މާލެއިން ގެެއްލުނު މީހާ އަދިވެސް ނުފެންނަ ކަމަށް ފުލުހުން ބުނެފި އެވެ.
މި މަހުގެ 13 ވަނަ ދުވަހުން ފެށިގެން ގެއްލިގެން ހޯދަނީ ހ. ފެވަރިޓްވިލާ/މާލެ، އިބްރާހީމް އިމްތިޔާޒް އަލީ، 30، އެވެ.
އޭނަ ގެއްލިގެން ފުލުހުންނަށް ރިޕޯޓް ކުރުމާ ގުޅިގެން ހޯދުމުގެ މަސައްކަތުގައި އާންމުގެ އެހީ އަށް ފުލުހުން އެދުނީ ރެ އެވެ.
ފުލުހުން ރޭ ބުނީ މި މަހުގެ 13 ވަނަ ދުވަހު މެންދުރު 12:00-1:00 އާ ދެމެދުގެ ވަގުތެއްގައި އިމްތިޔާޒް ގޭގައި އުޅެނިކޮށް އާއިލާގެ މެމްބަރުންނަށް ފެނިފައިވާ ކަމަށާއި ނަމަވެސް އެ ދުވަހު ގެއިން ބޭރަށް ދިޔަ ފަހުން ހަބަރެއް ނުވެ ގެއްލިފައިވާ ކަމަށް މި މަހުގެ 17 ވަނަ ދުވަހުގެ ހަވީރު 5:15 އެހައިކަންހާއިރު ރިޕޯޓުކޮށްފައިވާ ކަމަށެވެ.
އެހެންޗެ އޭނައާ ބެހޭ އެއްވެސް މައުލުމާތެއް ލިބިފައިވާ ފަރާތެއްވާ ނަމަ ހެންވޭރު ޕޮލިސް ސްޓޭޝަން ނަންބަރު 9400053 އަށް ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅަައި ހިއްސާކުރުމަށް ފުލުހުން އެދިފައިވެ އެވެ.