ހަނގުރާމަވެރި ހަތިޔާރު ގެންގުޅުމުގެ ކުށް ސާބިތުވެ 11 އަހަރަށް ޖަލަށްލާފައިވާ ކުރީގެ ޑިފެންސް މިނިސްޓަރ ރިޓަޔަޑް ކާނަލް މުހައްމަދު ނާޒިމް ގެ މައްސަލަ އެމްނެސްޓީ އިންޓަނޭޝަނަލްގެ ފަރާތުން އދ.ގެ ވޯކިން ގްރޫޕް އޮން އާބިޓްރަރީ ޑިޓެންޝަން އަށް ހުށަހަޅައިފިއެވެ.
އެމްނެސްޓީގެ ފަރާތުން މި މައްސަލަ އަދ ވޯކިން ގްރޫޕަށް ހުށަހަޅާފައިވަނީ ނާޒިމްގެ އާއިލާގެ ފަރާތުންނެވެ.
ނާޒިމްގެ އާއިލާގެ ފަރާތުން ބުނީ މި މައްސަލަ އަދ. ވޯކިން ގްރޫޕަށް ހުށަހެޅި ރާއްޖޭގެ ޝަރުއީ ނިޒާމްގެ ތެރެއިން ނާޒިމްއަށް އިންސާފު ނުލިބޭނެ ކަމަށް ބުނެއެވެ.
ނާޒިމްގެ މައްޗަށް ހަނގުރާމަވެރި ހަތިޔާރު ގެންގުޅު ކަމަށް ބުނެ ދައުލަތުން ދައުވާ އުފުލީ މިހާރު ބަންދުގައި ހުރި ކުރީގެ ޕްރޮސެކިއުޓަރ ޖެނެރަލް މުހުތާޒް މުހުސިންއެވެ.
ނާޒިމް ޖަލަށް ލާފައިވަނީ އޭނާ "ފްރޭމް" ކޮށްގެންކަމަށް އެތައް ބަޔަކު އަދިވެސް ދަނީ ބުނަމުންނެވެ.