ފުވައްމުލަކުގައި ހުރި ވެހިކަލްތަކެއްގެ ރޯވެ އަނދައިފި އެވެ.
އެމްއެންޑީއެފުން ރޯވެފައި ވަނީ އެ ސިޓީގެ ފައުންޑޭޝަން ސްކޫލު ކައިރީގައި ހުރި ވެހިކަލްތަކެއްގައި ކަމަށެވެ. އެ ހާދިސާގެ ރިޕޯޓް މިއަދު މެންދުރު 12:00 ހާއިރު އެމްއެންޑީއެފް ސަދަން އޭރިއާ ކޮމާންޑަށް ލިބުމާ އެކު، އެމްއެންޑީއެފް ސަދަން އޭރިއާ ކޮމާންޑް، ފުވައްމުލައް ފަޔަރ ސްޓޭޝަނުގެ ފަޔަރފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށްފައިވެ އެވެ.
ވެހިކަލްތަކުގައި ރޯވި އަލިފާން ނިއްވާލެވުނީ 12:50 ހާއިރު އެވެ.
އެ ހާދިސާގައި އެއްވެސް މީހަކަށް އަނިޔާއެއް ނުވާ ކަމަށް އެމްއެންޑީއެފުން ބުންޏެވެ.